Masalmo 141
141
Mkombelo wa minova
Disalmo da Dhavhidha
1 Mkoma, na dila kwako;
engisa dipswi dangu,
namisa nzeve yako ka huwa yangu
mbimo yi ni ku dhanako.
2 # Wona ni ka: Mtu. 5:8. Mkombelo wangu wu na fane ni dibaselo
di di hiswako masoni kwako
ni kuguletwa ka manza angu
ku na fane ni mhamba ya minova.
3 Mkoma, veka muwoneleli wa txisofu txangu
ni mxayisi ha txikeni ka txisofu txangu.
4U nga leke mbilu yangu
yi wekelela ka to biha;
mwendo kutalelwa ngu timhaka ta walo
hambi vale va mahako to biha.
5Ngako m'thu wo lulama a txi ni tsayisa,
eto ndinene kwangu;
ngako a txi ni kawuka,
eto ti fana ni mafura o bhumula,
kha ma na mbi khukha ha msungo kwangu;
nguko ni na simama ni va khongelela
ngu mithumo yawe yo biha.
6Mbimo yi vathangeli vawe
va no rinzwa ngu txitimwi ka siwindi ve wa hahatshi,
eho vathu va na ti pima ti to
mapswi angu nga ditshuri.
7Kufana ni kule m'thu a dimako
e veka mafuko ka mafu,
Marambu athu ma hangalaswa
ha txikeni ka dithitha.
8Kambe maso angu ma kuwona
awe Mkoma, Txizimu txangu;
ani ni themba kwako;
u nga leke moya wangu.
9Ni vhikele ka milawu yile
va nga ni riyela ngu yona;
ni ka milawu ya tingoti tatingi
ya vamahi va kubiha.
10Vabihi va nawe ka milawu yawe vapune,
kasi ku ni huluka do gwita.
Currently Selected:
Masalmo 141: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
