Masalmo 140
140
Mkombelo wa kulava kuvhunwa ngu Txizimu
Disalmo da Dhavhidha. Ka mthangeli wa vaembeleli
1 Mkoma, ni hulukise ka vathu vo biha;
ni vhikele ka vathu va tshofu;
2vo alakanyela kubiha timbiluni kwawe;
va tshanganelako kuwusa mazunga.
3Va lotile tidimi nga minyoka;
wuxungu wo nga wa timamba
wu hahatshi ka sisofu sawe.
4Ni vhikele, awe Mkoma,
manzani ka va va wubihi;
ni vhikele ka vathu va tshofu,
va mahako sikungo kasi ku ni wisa hahatshi.
5Vathu va kutiguleta va ni riyete ngu milawu;
va ni riyete ngu likoka hanzila;
va ni riyete milawu yo tala, va lava ku ni bzweta.
6Ani ni ti khani ka Mkoma:
“Awe ngawe Txizimu txangu!”
Engisa huwa ya kudila kwangu, awe Mkoma!
7Awe Mkoma Txizimu,
u m'vhikeli wa kuhanyiswa kwangu,
awe u tsivete msungo wangu ka ditshiku da kulwa.
8 Mkoma, vathu vo biha
u nga va ninge asi va si lavako;
u nga tumele ti to
makungo awe o biha meya masoni.
9Se va txi guleta misungo
vale va ni randelako
yi na welwe ngu wubihi
wule va wu wombako ngu sisofu sawe.
10Makala a mndilo ma nawe txitimwi kwawe,
va na rinzwe mndiloni, ka maphalani o tshima,
kasi ku va siswi ve wuka kambe.
11Vathu va makuhu va na fuve ha mafuni;
makhombo ma na londisele sigevenga
kala kuza me si fuvisa.
12Na tiziva ti to Mkoma,
na emela mhaka ya wule wo tsindavetwa
kumweko ni madingano a txikulungu.
13Ngu toneto, vathu va kululama
va na dhumisa ditina dako;
vathu va ditshuri va na zumba masoni kwako.
Currently Selected:
Masalmo 140: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
