Masalmo 126
126
Mkombelo wa kulava kuhumelela
Ndando ya vapfhumba
1Mbimo yi Mkoma a nga wuyisa vanana va Siyoni,
ngu kupayulwani i ti ku nga ho lora.
2Txisofu txathu txi to tala ngu maseko!
Tidimi tathu ti thula tindando ta kutsaka;
vamatiko va ti ti xamala va txi kha vona:
“Mkoma a va mahete sidiwukiso sa hombe!”
3Kunene, Mkoma a hi mahete sidiwukiso sa hombe,
ngu toneto, hotshethu ha tsaka.
4 Mkoma, hindula wukhumbi wathu wu txi maha litsako,
kufana ni mati a nzuma ma nonisako txiwula txa Negebhe.
5Avale va phayako va txi dila mirongo
va na elula ngu kutsaka.
6Va tsute va txi dila kuya phaya mbewu,
aniko va na wuya va txi embelela ngu kutsaka,
na va di rwate tinyanda tawe ta mitxelo.
Currently Selected:
Masalmo 126: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
