Masalmo 127
127
Mwaya wo katekiswa ngu Txizimu
Ndando ya vapfhumba. Ndando ya Solomoni
1Ngako Mkoma asi aki nyumba,
vo thuma walo ava va yi akako.
Ngako Mkoma asi woneleli didhoropa,
vo pileka walo ava va di wonelelako.
2Kha ti mi vhuni txilo kuphindula ni mixo ngutu,
mi txi pila mi txi thuma kala hagari ka wusiku,
kufela kudya mihando ya mnyuko wanu,
na kasi Txizimu, ka vale txi va randako,
txa va ninga soneso, hambi va di otete.
3Vanana i thomba ya kuningwa ngu Mkoma Txizimu,
liveleko i kateko ya ditshuri.
4Vanana vo velekwa wujahani kwathu
va fana ni tingove ti ti ku manzani ka ndena.
5A katekile m'thu wu a nga tata
msava ngu tingove toneto!
Kha na mbi wiswa tingana
ngako a txi ti angulela,
ni valala vakwe masoni ka valamuli ha phangoni.
Currently Selected:
Masalmo 127: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
