Masalmo 125
125
Kutsana ka vathu va Txizimu
Ndando ya vapfhumba
1Avale va thembako Mkoma
va na nga mmango wa Siyoni,
wu si dekadekiko,
wu tsani kala kupinduka.
2Kufana ni mimango yi randelako Jerusalema,
ngu toneto Mkoma a randete vathu vakwe,
konkuwa ni yotshe mbimo.
3Avale va mahako to biha kha va na mbi fuma kala kupinduka
ditikoni ka vathu vo lulama,
kasiku valulami va si kurumetwi kumaha kubiha.
4 Mkoma, katekisa vale va mahako ta tinene
ni vale va timbilu ta kululama.
5Aniko avale va hambukako
ve londisa tinzila to gombonyeka
Mkoma a na va lovise kumweko ni sigevenga.
Kudikha ku nave ni va ka Israyeli!
Currently Selected:
Masalmo 125: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
