Masalmo 124
124
Txizimu M'hanyisi wa vathu va txona
Ndando ya vapfhumba. Ndando ya Dhavhidha
1Idiku Mkoma a ti sa ema ni nathu,
Israyeli a na wombe.
2Idiku Mkoma a ti sa ema ni nathu,
mbimo yi valala vathu va nga hi wukela,
3vona nga va di hi mitile hi di ngadi hi txi hanya,
ngu mhaka ya txiviti txi va nga ti natxo ngu ngathu;
4konako mati nga ma di hi mitile
mlonga nga wu di khulungile ngu txitimwi kwathu!
5Nga ma di khulungile txitimwi kwathu
mati o vhiluka ngutu!
6A na dhumiswe Mkoma,
a nga mbi hi leka hi wela manzani ka valala
hi sotelwa ngu makwasa awe.
7Kufana ni txinyana hi hulukile kubzwetwa;
ngu mlawu wa mriyeli.
8Txivhuno txathu txi ta ngu ka Mkoma,
awu a nga maha nzuma ni mafu.
Currently Selected:
Masalmo 124: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
