Masalmo 101
101
Sithembiso sa mfumeli wokari
Disalmo da Dhavhidha
1Ni lava kuembelela lirando ni kululama;
ni txi embelela ngu ngawe, Mkoma.
2Ni lava kutsimbila ngu nzila yo lulama.
U na ni hingeta ditshiku muni?
Nyumbani kwangu ni na hanya ngu mbilu ya kuthutha;
3ni na leka yotshe mithumo yo biha.
Na nyenya mithumo ya vabihi;
kha ni na mbi tumela kusengela navo.
4Va na zumbe kule ni nani
avale va ku ni mi alakanyo yo gombonyeka;
kha ni lavi kuziva ta vale va mahetelako to biha!
5Awu a lengako ni kusingeta mmwani m'thu,
ni na mfuvisa ngu nyahele;
kha ni na mbi timisela wa kutiguleta ni kutikukumukisa!
6Ni na amukela avale vo sawuleka ha mafuni
kasiku ve hanya ni nani;
ni na tumela kuthumelwa
ngu wule a ku ni mahanyelo amanene dwe.
7Nyumbani kwangu kha ku na mbi zumba vakanganyisi;
kha ni lavi va makuhu masoni kwangu!
8Ditshiku ni ditshiku ni na lovisa
votshe vale va mahako kubiha ha ditikoni;
kasi kufuvisa sotshe sigevenga didhoropani ka Mkoma!
Currently Selected:
Masalmo 101: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
