Nehemiya 7
7
1Ku to maheka kambe tito, msana ka kuva diguma di di akilwe, ani ni to guleta matimba; se kuvekwa vaxayisi va matimba, ni vaembeleli, ni Valevhi. 2Ni to veka Hanani, mwanathu, ni Hananiya, wa hombe wa mkhokhola wa Jerusalema, nguko i ti wamwamna wo thembeka, wo thava Txizimu, kupinda votala; 3se ni va gela tiya: Ma nga tulwe matimba a Jerusalema, an'ze di guleka ditambo; na vawoneleli va di nga diho, vhalani matimba mi ma khota; vekani vawoneleli va vazumbi va Jerusalema, mmwani ni mmwani ka wukhalo wakwe, mmwani ni mmwani masoni ka nyumba yakwe.
Txhatxhameto ya vale va nga wuya ngu wukhumbini
(Ezra 2:1-70)
4Se didhoropa di ti anamile, i ti da hombe ngutu, kambe vathu i ti vadotho mndani ka dona; ni tinyumba ti sanzi kuakwa. 5Sekoko, Txizimu txangu txi to veka mbiluni kwangu, taku ni tshanganisa sikhumukani, ni valamuli, ni vathu, kasi kuveta bhalelwa madingano ni tiveleko tawe. Se ni to mana dibhuku da liveleko la vale va nga khata vona ve wuya, ka dona, ku di bhatwe tiya:
6Avava ngu vona vanana va ditiko, va nga huma ngu wukhumbini, vale va nga ñolwa e tsula navo Nebhukodhonosori, mfumeli wa Bhabhilona; se va to tshumela ve wuya Jerusalema, ni Judha, mmweyo ni mmweyo e tsula dihoropani kwakwe. 7I ku vale va nga wuya ni Zorobhabheli, ni Jesuwa, ni Nehemiya, ni Azariya, ni Rahamiya, ni Nahanani, ni Mordhekayi, ni Bhilisami, ni Mispereti, ni Bhigivhayi, ni Nehumi, ni Bhahana; mtengo wa vavamna wa vathu va ka Israyeli ngu wuwa:
8Vanana va Parosi, i 2.172.
9Vanana va Sefatiya, i 372.
10Vanana va Ara, i 652.
11Vanana va Pahate-Mowabhi, vanana va Jesuwa ni va Jowabhi, i 2.818.
12Vanana va Elame, i 1.254.
13Vanana va Zatu, i 845.
14Vanana va Zakayi, i 760.
15Vanana va Bhinuyi, i 648.
16Vanana va Bhebhayi, i 628.
17Vanana va Azigadhe, i 2.322.
18Vanana va Adhonikamu, i 667.
19Vanana va Bhigivhayi, i 2.067.
20Vanana va Adhimi, i 655.
21Vanana va Ateri, va ka Ezekhiya, i 98.
22Vanana va Haxumi, i 328.
23Vanana va Bhasayi, i 324.
24Vanana va Harifa, i 112.
25Vanana va Gibheyoni, i 95.
26Vavamna va Bhetlehema, ni va Netofa, i 188.
27Vavamna va Anatote, i 128.
28Vavamna va Bheti-Azimavheti, i mune wa magumi ni vambidi.
29Vavamna va Kiriyate-Jeyarimi, Kefira ni va Bheherote, 743.
30Vavamna va Rama ni va Gebha, i 621.
31Vavamna va Mikimasi, i 122.
32Vavamna va Bheteli ni va Ayi, i 123.
33Vavamna va mmwani Nebho, i mtxhanu wa magumi ni vambidi.
34Vanana va mmwani Elame, i 1.254.
35Vanana va Harini i 320.
36Vanana va Jeriko i 345. 37Vanana va Lodhe, ni Hadhidhe ni Ono i 721.
38Vanana va Senaya i 3.930.
39Vaphaxeli: Vanana va Jedhaya, wa nyumba ya ka Jesuwa, i 973.
40Vanana va Imeri, i 1.502.
41Vanana va ka Pasuri i 1.247.
42Vanana va ka Harimi i 1.017.
43Va ka Levhi: Vanana va Jesuwa, ni va Kadhimiyeli, ka vanana va Hodhevha, mtxhanu wa magumi ni mambidi ni mune wa vona.
44Vaembeleli: Vanana va Asafe, i 148.
45Vawoneleli va sike: Mbanana va Salumi, ni vanana va Ateri, ni vanana va Talimoni, ni vanana va Akubhe, ni vanana va Hatita, ni vanana va Sobhayi, i ti 128.
46Vanetine: Vanana va Ziya, ni vanana va Hasufa, ni vanana va Tabhawoti, 47ni vanana va Kerosi, ni vanana va Siya, ni vanana va Phadhoni, 48ni vanana va Lebhana, ni vanana va Hagabha, ni vanana va Salimayi, 49ni vanana va Hanani, ni vanana va Gidheli, ni vanana va Gayari, 50ni vanana va Reyaya, ni vanana va Rezini, ni vanana va Nekodha, 51ni vanana va Gazani, ni vanana va Uza, ni vanana va Paseya, 52ni vanana va Bhesayi, ni vanana va Mewunini, ni vanana va Nefusesimi, 53ni vanana va Bhakebhuke, ni vanana va Hakufa, ni vanana va Haruri, 54ni vanana va Bhazilite, ni vanana va Meyidha, ni vanana va Harisa, 55ni vanana va Bhariko, ni vanana va Sisera, ni vanana va Tama, 56ni vanana va Nesiya, ni vanana va Hatifa.
57Vanana va tikhumbi ta Solomoni: Vanana va Sotayi, ni vanana va Soferete, ni vanana va Peridha,
58ni vanana va Jayala, ni vanana va Dharikoni, ni vanana va Gidheli,
59ni vanana va Sefatiya, ni vanana va Hatili, ni vanana va Pokereti-Hasebhayimi, ni vanana va Amoni.
60Votshe Vaneti ni vanana va tikhumbi ta Solomoni, i 392.
61Ni vona vava va kwelete ngu Teli-Mela, Teli-Harsa, Kerubhi, Adhomi ni Imeri, aniko kha va sikota kukombekisa nyumba ya vatate vawe ni lihunzu lawe, ti to i ti ti va ka Israyeli: 62Vanana va Dhalaya, ni vanana va Tobhiya, ni vanana va Nekodha, i ti 642.
63Se ngu ka vaphaxeli ngu vava: Vanana va Habhaya, vanana va Kozi, vanana va Bharzilayi, va nga teka msikati ka vanana va Bharzilayi, m'gileyadhi, se a to dhanwa ngu ditina dawe. 64Avava, va to lava matina awe, va txi lava kubala liveleko lawe, aniko kha ma maneka; ku nga ova va walo, kha va amukelwa ka vaphaxeli. 65Se mtirsa a to va gela ti to va nga dye so sawuleka, kala kuza kumaneka mphaxeli, a di ni Urime ni Tumime.
66Wotshe msengeletano wule i ti 42.360.
67Hahanze ka tikhumbi tawe ta txiwamna ni ta txisikati, i nga ti 7.337; kambe ku ti ni 245 wa vaembeleli va txiwamna ni va txisikati.
68Mahantxhi akwe i ti 736; ni mamula awe i ti 245.
69Makamelu, i ti 435; timbongola 6.720.
Miningelo yo aketa Dithepele
70Se mtengo wa vathangeli va vatate vawe, va to ningela so aka ngu sona; mtirsa a to ningela txisangalani, nzalama ya 1.000 wa madhariko, mtxhanu wa magumi a mikamba, ni 530 wa syambalo sa wuphaxeli.
71Se vokari kambe ka vathangeli va vatate vawe, va ningete txisangalangi ka mthumo wa kuaka, ngu nzalama, 20.000 wa madhariko; se ngu silivhela 2.200 wa makilu.
72Se asi si nga ningelwa ngu vamwani vathu ngu siya: Ngu nzalama 20.000 wa madhariko, se ngu silivhela, 2.000 wa makilu; ni mtxhanu wa magumi ni dimwedo a syambalo sa wuphaxeli, ni mtxhanu ni simbidi.
73Se vaphaxeli, ni Valevhi, ni vawoneleli va sike, ni vaembeleli, ni vathu vokari, ni vanetine, ni votshe va ka Israyeli, va to zumba madhoropani kwawe.
Currently Selected:
Nehemiya 7: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
