Nehemiya 3
3
Kuaketwa ka maguma
1Eliyasibhe, mphaxeli wa hombe, a to khukha ni vanawe, i ku vaphaxeli kulowe, veya aka Txike txa Sifuyo, atxi va nga txi tsanisa, ve guleta ni matimba a txona; va to aka diguma an'ze ka Txitezi txa Meya, ve di tsanisa kala ka Txitezi txa Hananeli.
2Se ngu hafuhi ka txitezi txa Hananeli, ku to aka vavamna va Jeriko.
Ngu didhawa kwawe kuaka Zakuri, mwana Iniri.
3Se Txike txa Sihaka txi akilwe ngu vanana va Hasenaha, ve kelela tiphande ta kona, ve vekela matimba a kona, ni sikhiyelo sa kona ni sikhweketo sa kona, ni matimba a kona a tisimbi.
4Se ngu didhawani kwawe, ku to aka Meremote, mwana Uriya, mwana Kozi;
ngu didhawani kwakwe kuaka Mesulamu, mwana Bherekiya, mwana Mesezabheli;
se didhawa kwakwe ku to aka Zadhoki, mwana Bhahana.
5Se ngu didhawani kwakwe ku to aka va ka Tekowa; aniko vafumeli vawe kha va wuleta tithamo tawe ka mthumo wa Mkoma wawe.
6Se Joyadhi mwana Paseya ni Mesulamu mwana Bhesodhiya va to aka Txike txa Kale, avava va to kelele tiphande, ve vekela matimba a kona, ni sikhiyelo sa kona ni sikhweketo sa kona.
7Se ngu didhawani kwakwe ku to aka Melatiya, Mugibheyoni, ni Jadhomi, Mumeronota, vavamna va Gibheyoni ni Misipa, va nga ti lumba mfumo wa mfumeli wa mtxhatuko ka mnambo.
8Didhawa kwawe, ku to aka Uziyeli, mwana Haraya, mmweyo wa vatshuli; se ngu didhawa kwakwe, kuaka Ananiya, mmweyo wa vamahi va mafura o tola, va to tsanisa Jerusalema an'ze ka Diguma da kuanama.
9Se ngu didhawa kwakwe, ku to aka Refaya, mwana Huri, wa hombe wa hafu ya Jerusalema.
10Se ngu didhawa kwakwe ku to aka Jedhaya, mwana Harumafe, ni hafuhi ka nyumba yakwe; se ngu didhawa kwakwe kuaka Hatusi, mwana Hasabhineya.
11Malakiya, mwana Harimi, ni Hasubhe, mwana Pahate-Mowabhi, va to aka dimwani didhawa, ve aka ni Txitezi txa Txikho.
12Se didhawa kwawe ku to aka Salumi, mwana Halowesi, wa hombe wa yimwani hafu ya Jerusalema, ene ni vanana vakwe vamahorana.
13Txike txa Mkovani txi akilwe ngu Hanuni ni vazumbi va Zanowa; avava va to aka ve vekela matimba ni sikhiyelo ni sikhweketo sa kona, ve aka kambe 1.000 wa mikono ya diguma, an'ze ka Txike txa Ditala.
14Txike txa Ditala txi akilwe ngu Malakiya, mwana Rekabhi, wa hombe wa ditiko da Bheti-Hakeremi; awuwa a akile e vekela matimba ni sikhiyelo ni sikhweketo sa kona.
15Txike txa Txisimani txi akilwe ngu Salumi, mwana Koli-Hoze, wa hombe wa ditiko da Misipa; awuwa a to aka, e tshulela e vekela matimba ni sikhiyelo ni sikhweketo sa kona, a to aka kambe diguma da diziva da Sela, hafuhi ni thembwe ya mfumeli, kala ka sivando si si kwitimako, so khukhela Didhoropani ka Dhavhidha.
16Msana kwakwe, Nehemiya, mwana Azibhuke, wa hombe wa hafu ya Bheti-Zuri, a to aka an'ze masoni ka mathitha a Dhavhidha, kala ka txisima txi txi nga ti ketwe, ni kuya hoka nyumbani ka tindena.
Valevhi vale va nga aketa maguma
17Msana ka Nehemiya, ku to thuma Valevhi, i ku Rewumi, mwana Bhani.
Se ngu didhawani kwakwe, ku to thuma Hasabhiya, wa hombe wa hafu ya ditiko da Keyila.
18Msana ka Hasabhiya, ku to thuma vanawe i ku: Bhavhayi, mwana Henadhadhe, wa hombe wa hafu yimwani ya ditiko da Keyila.
19Se ngu didhawa ka Bhavhayi, Ezeri, mwana Jesuwa, wa hombe wa Misipa a to aketa didhawa dimwani, masoni ka mmango wa nyumba ya matxhari, ngu dikhonani ka kona.
20Msana ka Ezeri, ku to londeta Bharuke, mwana Zabhayi, e aketa dimwani didhawa, kukhukhela dikhonani kala ka txike txa nyumba ya Eliyasibhe, mphaxeli wa hombe.
21Msana ka Bharuke, ku to londeta Meremote, mwana Uriya, mwana Kozi, e aketa didhawa dimwani, kukhukhela ka txike txa nyumba ya Eliyasibhe kala magwito ka nyumba ya Eliyasibhe.
Vaphaxeli vale va nga aketa maguma
22Se msana kwakwe, ku to aka vaphaxeli vale va nga ti zumba mkovani.
23Msana keto, Bhenjamini ni Hasubhe, va to aka ngu masoni ka nyumba yawe ni vona; msana kwawe, ku to aka Azariya, mwana Mahaseya, mwana Ananiya, hafuhi ni nyumba yakwe.
24Msana ka Azariya, Bhinuwi, mwana Henadhadhe, a to aka dimwani didhawa, kukhukhela ka nyumba ya Azariya kuya dikhonani ni kala magwito.
25Palali, mwana Uzayi, a to aka kukhukhela masoni ka dikhona ni ka txitezi txi txi khukhelako ka nyumba ya txitimwi ya wukoma, yi ku hafuhi ni diguma da mkorani. Msana ka Palali, ku to aka Pedhaya, mwana Paro, 26ngu kumaha keto, Vanetine, va nga ti ti zumba Ofeli, va to aka kala ka Txike txa Mati, ngu didhawa da wutxani, an'ze ka txitezi txa txitimwi.
Vamwani vaaki
27Msana ka Pedhaya, Vatekowa, va to aketa dimwani didhawa, ngu masoni ka txitezi txa hombe txo lapha, an'ze digumani ka Ofeli.
28Vaphaxeli va to aketa kukhukhela ka Txike txa Mahantxhi, mmwani ni mmwani e aketa ngu masoni ka nyumba yakwe.
29Msana ka vaphaxeli, ku to aka Zadhoki, mwana Imeri, masoni ka nyumba yakwe, se, msana kwakwe, kuaka Semaya mwana Sekaniya, muwoneleli wa Txike txa Wutxani.
30Msana ka Semaya, Hananiya, mwana Selemiya, ni Hanumi, mwanana wa wutxhanu ni mmweyo wa Zalafi, va to aketa dimwani didhawa.
Msana kwawe Mesulamu, mwana Bherekiya, a to aketa dimwani didhawa, ngu masoni ka nyumba yakwe.
31Msana ka Mesulamu, Malikiya, mwanana wa mtshuli, a to aketa an'ze ka nyumba ya Vanetine, ni ya vanyamabhindu, masoni ka Txike txa Mifikadhi, veya hoka ka nyumba ya magwito.
32Se ngu hagari ka nyumba ya magwito, ni Txike txa Sifuyo, ku aketile vatshuli va nzalama ni va nyamabhindu.
Currently Selected:
Nehemiya 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
