Nehemiya 11
11
Vathu va va nga sala ve zumba Jerusalema
1Se vathangeli va vathu va to aka Jerusalema, aniko vathu va xaxuva tixolo kasi kusawula mmwewo ka mtxawa wa digumi, wu no ya aka didhoropani ko sawuleka ka Jerusalema, se a va va mtxhanu ni mune va na ya aka ka madhoropa mamwani. 2Se ditiko di to katekisa votshe vathu va va nga ti ningeta ngu kuranda kwawe kuya zumba Jerusalema.
3 # Wona ni ka: Neh. 7:73. Se a vava mba thangeli va ditiko va nga aka Jerusalema (se ka madhoropa a Judha mmwani ni mmwani a ti ti akile ka wukhalo wakwe, ka madhoropa awe, i ku vava: Vaisrayeli, vaphaxeli, ni Valevhi, ni Vaneti, ni vanana va tikhumbi ta Solomoni.)
4Vamwani ka vanana va ka Judha ni ka vanana va ka Bhenjamini va akile Jerusalema. Ka vanana va ka Judha i ti ti:
Ataya, mwana Uziya, mwana Zakariya, mwana Amariya, mwana Sefatiya, mwana Mahalaleli, wa vanana va Perezi;
5ni Mahaseya mwana Bharuke, mwana Koli-Hoze, mwana Hazaya, mwana Adhaya, mwana Joyaribhe, mwana Zakariya, mwana Musiloni.
6Votshe vanana va Perezi, va va nga zumba Jerusalema, i ti 468 wa vavamna va mtamo.
7Vanana va Bhenjamini ngu vava:
Salu, mwana Mesulami, mwana Johedhi, mwana Pedhaya, mwana Kolaya, mwana Mahaseya, mwana Itiyeli, mwana Jesaya.
8Se msana kwakwe, ku ti ni Gabhayi ni Salayi: I ti 928. 9Sekoko mthangeli wawe i ti ti Joyeli, mwana Zikiri; ni Judha mwana Senuwa, madingano ni madhoropa.
10Ka vaphaxeli:
Jedhaya, mwana Joyaribhe, Jakimi,
11Seraya, mwana Hilikiya, mwana Mesulami, mwana Zadhoki, mwana Merayoti, mwana Ayitubhe, wa hombe wa Nyumbani ka Txizimu, 12ni vanawe, avale va nga ti ti maha mthumo wa nyumbani, i ti 822; se Adhaya, mwana Jerowamu, mwana Pelaliya, mwana Anzi, mwana Zakariya, mwana Pasuri, mwana Malikiya, 13ni vanawe, vathangeli va vatate vakwe, i ti 242;
se Amasayi, mwana Azareli, mwana Azayi, mwana Mesilemoti, mwana Imeri, 14ni vanawe, vavamna va mtamo, i ti ti 128, mthangeli wawe i ti Zabhedhiyeli, mwana Gedholimi.
15Se ka Valevhi:
I Semaya, mwana Hasubhe, mwana Azirikami, mwana Hasabhiya, mwana Bhuni;
16se Sabhetayi ni Jozabhadhi, misungo ya va ka levhi, va ti ti thangela mthumo wa hahanze ka Nyumba ya Txizimu;
17se Mataniya, mwana Mika, mwana Zabhedhi, mwana Asafe, mthangeli wu a nga khata mkombelo wa kubonga,
ni Bhakebhukiya, i nga ti ti wa wumbidi ka vanawe;
kulondeta Abhidha, mwana Samuwa, mwana Galali, mwana Jedhutuni.
18Votshe Valevhi va didhoropani ko sawuleka i ti 284.
19Se vawoneleli va sike:
Akubhe, Talimoni, kumweko ni vanawe, i ti 172 wa vawoneleli va matimba.
20Se vamwani va ka Israyeli, vaphaxeli ni va ka Levhi, va ti ti maneka ka otshe madhoropa a va ka Judha, mmwani ni mmwani ka thomba yakwe. 21Se Vaneti va ti ti akile Ofeli; se Ziya ni Gisipa va to fumela hagari ka Vaneti.
22Sekoko mthangeli wa va ka Levhi kona Jerusalema, i ti ti Uzi, mwana Bhani, mwana Hasabhiya, mwana Mataniya, mwana Mika, mwana Asafe, vaembeleli, ka mthumo wa Nyumbani ka Txizimu. 23Nguko mfumeli a ti ti leletile mithumo yawe, ni ti to vaembeleli ve ningwa txyavelo txawe, mmweyo ni mmweyo ka ditshiku dakwe.
24Se Petaya, mwanana wa Mesezabheli, mmweyo wa vanana va Zera, mwana Judha, a ti ti ka dianza da mfumeli, ka totshe timhaka ta vathu.
Vathu va mamwani madhoropa ni mikhokhola
25Se madingano ni mikhokhola ni tithembwe ta kona, vamwani ka vanana va ka Judha va ti akile Kiriyate-Aribha, ni ka makhalo ma nga ti fumwa ngu vona, ni ka Dhibhoni ni ka makhalo o fumwa ngu vona, ni ka Jekabhizeyeli ni madhoropa a kona, 26ni ka Jesuwa, ni ka Moladha, ni ka Bheti-Palete, 27ni ka Hasari-Suwali, ni ka Bherisebha, ni ka makhalo a ma nga ti fumwa ngu vona; 28ni ka Zikilage, ni ka Mekona, ni ka makhalo a ma nga ti fumwa ngu vona; 29ni ka Eni-Rimoni, ni ka Zora, ni ka Jarimute; 30ka Zanoya, Adhulamu ni ka madhoropa a kona; Lakisi ni tithembweni ta kona; ni da Azeka ni ka makhalo a ma nga ti ti fumwa ngu vona. Se va to ya gova kukhukhela Bherisebha kala mkovani ka Hinomi.
31Vanana va Bhenjamini wa Gebha, va to aka ka didhoropa da Mikima, ni Ayiya, ni Bheteli, ni ka makhalo a ma nga ti ti fumwa ngu vona; 32ni da Anatote, da Nobhe, da Ananiya, 33da Hazori, da Rama, da Gitayini, 34da Hadhidhe, da Zebhoyini, da Nebhalate, 35da Lodhe ni da Ono, mkovani ka va vati. 36Se vamwani Valevhi va mtxawa wa Vajudha va to aka hagari ka va ka Bhenjamini.
Currently Selected:
Nehemiya 11: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
