Nehemiya 10
10
1Se ava va nga sayina ngu vava: Nehemiya, mwana Hakaliya, ni Zedhekiya,
2Seraya, Azariya, Jeremiya, 3Paxuri, Amariya, Malikiya, 4Hatusi, Sebhaniya, Maluke, 5Harimi, Meremote, Obhadhiya, 6Dhaniyeli, Ginetoni, Bharuke, 7Mesulami, Abhiya, Miyamini, 8Mahaseya, Bhiligayi, Semaya; avava i ti ti Vaphaxeli.
9Se Valevhi ngu vava: Jesuwa, mwana Azaniya, Bhinuyi, wa vanana va Henadhadhe, Kadhimiyeli 10ni vanawe i ku: Sebhaniya, Hodhiya, Kelita, Pelaya, Hanani, 11Mika, Reyobhe, Hasabhiya, 12Zakuri, Bhani, Bheninu.
13Hodhiya, Bhani, Bheninu.
14Vathangeli va vathu ngu vava: Parosi, Pahate-Mowabhi, Elame, Zatu, Bhani, 15Bhuni, Azigadhe, Bhebhayi, 16Adhoniya, Bhigivhayi, Adhina, 17Ateri, Ezekhiya, Azuri, 18Hodhiya, Hasumi, Bhesayi, 19Harifa, Anatote, Nebhayi, 20Magipiya, Mesulami, Heziri, 21Mesezabheli, Zadhoki, Jadhuwa, 22Pelatiya, Hanani, Anaya, 23Hoseya, Hananiya, Hasubha, 24Halowe, Pileya, Sobheke, 25Rehumi, Hasabhina, Mahaseya; 26Ahiya, Hanani, Anani, 27Maluke, Harimi, Bhahana.
Txitumelelano
28Se vamwani vathu, vaphaxeli, ni Valevhi, ni va vawoneleli va sike, ni vaembeleli, vanetine ni votshe va va nga ti hambanisa ni vathu va matiko ka Mlayo wa Txizimu, vasikati vawe, vanana vawe va vafana, ni vanana vawe vamahorana, totshe titxhari, ni vale va nga ti ti ni mtamo wo pfisisa 29va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu;
ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;
30ni ku kha hi na mbi ningela vanana vathu vamahorana ka vathu va matiko, hambi kuteka vanana vawe vamahorana, hi ninga vanana vathu va majaha;
31 # Wona ni ka: Eks. 23:10-11; Levh. 25:1-7; Dhewut. 15:1-2. ni tito, ngako vamatiko va txi tisa ni tihi tithomba, mwendo titshenda to kari kasi ku ta xavisa ngu ditshiku da Sabbata, mwendo ngu ditshiku do sawuleka, kha hi na mbi va xavela ka ditshiku edo. Se hi nava ni txhatxhazelo ka dilembe da wutxhanu ni mambidi, ni kudivalelana yotshe minandu.
32Kambe hi ti emisete mlayo, hi sunga ti to dilembe ni dilembe hi na ningela ka Nyumba ya Txizimu txathu, txipande txa wuraru txa dixekele dimwedo;
33kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.
34Kambe hi xaxuvile tixolo hagari ka vaphaxeli, va ka Levhi ni vathu, xungetano ni mningelo wa tikhuni tile ti di no tiswa Nyumbani ka Txizimu txathu, madingano ni tinyumba ta vatate vathu, ka timbimo tile ti nga sungwa, ka dilembe ni dilembe kasi ku ta dhivelwa txitimwi ka txiluvelo txa Mkoma, Txizimu txathu, madingano ni tile ti nga bhalwa dibhukuni da Mlayo.
35Ni kuneha kambe dilembe ni dilembe Nyumbani ka Mkoma, mihando yo khata ya mafu athu ni yotshe mihando yo khata ya mindonga yotshe.
36Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka Mkoma.
37Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu;
hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa. 38#Wona ni ka: Mit. 18:26. Ni ti to mphaxeli, mwanana wa Aroni, a na va ni Valevhi mbimo yi Valevhi va amukelako sa wugumi, se Valevhi va na tisa wugumi wa wugumi Nyumabani ka Txizimu txathu, sinyumbanani ka nyumba ya wuxayiselo. 39Nguko vanana va ka Israyeli ni vanana va ka Levhi va na wuyisa mningelo wo ndiwitelwa wa mafaka, ni wa vhinya ni wa mafura ka sinyumbana sile, amule ku ku ni siya sa wukhalo wo sawuleka, ni vaphaxeli va va thumako, ni vawoneleli va sike, ni vaembeleli.
Se ngu mamahelo eyo kha yi na mbi leka Nyumba ya Txizimu txathu.
Currently Selected:
Nehemiya 10: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
