Jobe 5
5
Athu hipune ha tisa kuxaniseka
1Dhana konkuwa! Ina waho a kuxamulako kani?
Se u na rendekela ka wihi msawuleki kani?
2Nguko txiviti txa fuvisa txiphukuphuku;
se wuphuphulu wa yisa kufani.
3Ni txi wonisisile kha kwati txiphukuphuku
txi txi zima mikoloti,
aniko koneko ni nyenyile nyumba ya txona.
4Vanana va txona va kule ni kuhanyiswa;
se va phaphawulelwa sikenini,
aniko kha ku nga ni wo va hulukisa.
5Sakudya sa txona si hetwa ngu nyanzale,
a tsanako ni kuya si thavisa amu ka mipa;
se mxaseli e mana thomba.
6Nguko kuxaniseka kha kuti ngu mu ka lithulu;
ni mthumo kha wu humi ngu mafuni.
7Aniko m'thu a veleketwe kuxaniseka,
ku nga titshatsha ta mndilo ti khukhako ti puruma.
Txizimu txa ninga kuthemba ka vale vo pwata mtamo
8Aniko ani, ni na xota Txizimu,
se ka txona, ni na womba kukelelelwa kwangu.
9Txona txi maha mithumo ya hombe ngutu,
kha yi koteki ni ku yi bala;
ni sixamaliso sasingi sa kwa mbi balwa.
10Txa nisa nzuma txitimwi ka mafu,
ni kuninga mati tithembweni.
11Kasi kuveka ka wukhalo wa txitimwi, vale vo karala;
ni tile taku vo felwa ve guletwa kuhanyiswani.
12Txizimu txa retha mipimiso ya vo txhariha,
kasi manza awe ma si thumi txilo ni txa tximwetxo.
13 # Wona ni ka: 1 Vak. 3:19. Txa bzweta titxhari ka wutxhari wa tona tipune;
se e wiswa silayelo sa vo biha.
14Vona hambi di ti txite va maneka txidemani;
se ni mitshikari va tsimbilisa kumbumbutela, nga ova wusiku.
15Aniko awule wo pwata, txa mtxhatxhisa ngu ditxhari da txisofu,
txi mtxhatxhisa manzani ka wule a ku ni mtamo.
16Ngu toneto, txisiwana txi ni kuthemba;
se wubihi wa tsiva txisofu txa wona.
Manza a Txizimu ma hanyisa
17 # Wona ni ka: Mav. 3:11-12; Vaheb. 12:5-6. Wona taku a katekile wamwamna wule a tsayiswako ngu Txizimu;
sekoko u nga kanyise txitsayiso txa wule wa Mtamo-Wotshe.
18 # Wona ni ka: Hos. 6:1. Nguko txa veka tivandwa, kambe txipune txa sungelela silonda;
txa dayisa, aniko manza a txona ma kalamukisa.
19Ka mtxhanu wa makhati a kuxaniseka txi na kutxhatxhisa,
da wutxhanu ni mambidi wubihi kha wu na mbi kugwesa.
20Txi na ku hulukisa kudawa ngu nzala;
ni yimbini txi na kuhulukisa ka phango ya ditxhari.
21U na tsivelwa kukwapwa ngu lidimi;
kambe khu na mbi dhudhumeliswa ngu txingumula ngako txi txita.
22U na sekiswa ngu txingumula ni nzala;
kambe khu na mbi dhukiswa ngu sihari sa mafuni.
23Nguko txitumelelano txako txi na va txa marigwi;
se sihari sa txitinga si na va ni nawe.
24Kambe u na tiziva taku, ditenda dako di kuthuthani;
se u na zumba nyumbani kwako,
kambe khu na mbi pwata txilo.
25Kambe u na tiziva taku liveleko lako li na anda,
ni vanana vako va na nga mwasi wo nakana.
26U na tshotshwa dithithani u ti kumbile,
nga kule kusengeletwako tinyanda ta fulaho ngu mbimo ya kona.
27Wona taku atiya hi wotisete, ti zumbisile toneto;
pfisisa ni kupimisa ngu tona, i nava tinene kwako.
Currently Selected:
Jobe 5: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
