Jobe 41
41
I mani waku a nga lwa ni Ngwenya kani?
1 # Wona ni ka: Mas. 74:14; 104:26; Isa. 27:1. U nga dota ngwenya ngu tximemba,
mwendo u nga sunga lidimi la yona ngu ngoti kani?
2U nga sikota kuhulela mkhalo thonvuni ka yona,
mwendo u nga dhoda txisofu txa yona ngu mpa kani?
3Ina mwendo yi nga dilela kwako kani?
Mwendo yi nga kukombela ku yi tsetsa kani?
4Ina ngwenya yi nga maha txitumelelano ni nawe,
mwendo awe u na yi maha khumbi do gwita kani?
5U nga sakana ni ngwenya, nga yo va txinyana,
mwendo u nga yi ningela ka mahorana ako kani?
6Vangana vako va nga maha m'buso ngu yona,
mwendo va nga abanelana ngu yona vanyamabhindu kani?
7Ina u nga tshulela mmidi wa ngwenya ngu matxhari,
mwendo msungo wa yona, ngu simemba sa vadoti kani?
8Hi nga sanzeka dianza dako txitimwi ka ngwenya,
se alakanya taku, khu na mbi duketa kambe to nga eto.
9Wona taku, kuduketa kwako ku na thidhela;
ina ni wammweyo masoni ka yona, kha na kuwa kani?
10Ni wammweyo wo dangahangela kuvhuka ngwenya;
i mani koko waku a nga ema masoni kwangu kani?
11I mani a nga khata e ni ninga, kasi ku ni na mtshumetela kani?
Nguko asi si ku hahatshi ka nzuma, nzangu.
12Kha ni na mbi malala kuwombawomba ngu siro sa ngwenya,
ni mtamo wa yona, hambi ngu zumbelo ya yona.
13I mani waku a nga runduwula didhowo da yona kani?
I mani waku a nga wulela mkanani ka yona kani?
14I mani waku a nga tula titshaya ta ngwenya kani?
Nguko madhawani ka makwasa a yona ka thisa.
15Magwagwarimba o banga a ngwenya ma tshurile ngutu,
ma namarelani nga ma to lemwa ngu phula.
16Ma gwatamete ngutu ma txi namarelana,
hambi ni simoyana kha si mani ko pinda.
17Ma txhavinyetani dimwani ni dimwani;
ma bandani ngutu aha kaku, kha ma na ku abaniswa.
18Ngwenya yi txi wetshemula kuwoneka dituro,
se maso a yona ma fana ni mikohe ya wuronga.
19Mkanani ka yona kuhuma sisase;
emo ti humako ngu kona titshatsha.
20Kuhuma wutshi ngu m'dhonvuni ka yona, ku nga wa khadi yo hala,
mwendo ngu mu ka titshava ta hombe.
21Kuhefemula ka yona ku nga turisa makala;
se ngu mkanani ka yona kuhuma dituro.
22Mtamo wa yona wu ha thamoni;
masoni ka yona hambi kuhenya ka tutuma.
23Misuna ya nyama ya yona yi patani ngutu;
msuna wu tsana ka wumwani, kha wu dekadeki.
24Mbilu ya ngwenya yi bangi nga dirigwi,
yi tsani nga dirigwi da txitshindo.
25Yi txi khukha, hambi tindena ta dhudhumela;
ngu mhaka ya kubhonga ka yona ta tsivala.
26Ngako m'thu a txi yi thola ngu ditxhari,
mseve kha wu doli, ni txiholoma, mwendo lingove.
27Ka ngwenya, simbi i mwasi,
ni koporo i ndonga yo sina.
28Lingove kha li na ku yi tutumisa;
marigwi a sibhalakaza ma wavalaka nga mafu.
29Ku txi rinzetelwa marigwi,
ka yona ngu nga mwasi,
kambe yi seka kutuma ka tingove.
30Hamrumbu ka ngwenya ku ni syamba sa titshoka ta mipa;
ya barama txitimwi ka so thola nga ha ka lidhaka.
31Ya vhilusa mati o tshima, nga mo hala khadini;
yi maha ti to linene li txi nga mafura ma halako.
32Msana ka yona yi londetwa ngu dituro;
kuhokoma ku txi pupuma nga kubasa ka wunvi.
33Ha mafuni, kha ku nga ni txo fananiswa ni ngwenya,
nguko yi mahisilwe kuva yi si thavi.
34Ngwenya ya wona sotshe so guleka;
ya fuma ka vanana va sotshe sihari sa kutikulisa.
Currently Selected:
Jobe 41: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
