Jobe 42
42
Xamulo yo gwitisa ya Jobe ka Txizimu
(42:1-6)
1Sekoko Jobe a to xamula ka Mkoma, a txi khene:
2Ani kha ni tizivi kha kwati taku awe wa ti kota totshe,
ni maalakanyo mamwewo ako kha ma na kutsimbwa.
3 # Wona ni ka: Job. 38:2. U khawe i mani wule, a sisako mlayo asi na wuzivi kani?
Ngu mhaka yeto, ni wombile ti ni nga si ti pimi;
ati i ngadi to xamalisa ngutu,
aniko ani ni nga si ti zivi,
ati i ngadi to xamalisa ngutu kwangu,
kambe ani ni si sikoti kutipima.
4U ni rumile kuengisela ti u nga txi womba-womba,
ni kuxamula siwotiso sako.
5Ni ti engisile va txi womba ngu ngawe,
se konkuwa, na kuwona ngu maso angu nipune.
6Ngu mhaka yeto, na ti sola, ni kutilaya,
ni di mu ka lithulu ni mu ka dikhuma.
Disambala do gwitisa
(42:7-17)
Vangana vararu va Jobe
7Ti mahekile koko taku, na Mkoma a di hetile kuwomba mapswi ale ka Jobe, Mkoma a to khene ka Elifazi, wa Temani:
Kuhenya kwangu kuturile, ku txi kuwukela, ni kuwukela vangana vako vavambidi; nguko khwa womba ditshuri ngu ngani, kufana ni txithumi txangu Jobe. 8Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.
9Sekoko a to tsula Elifazi, wa Temani, ni Bhilidhadhe wa Suwita, ni Zofari, wa Nahanani, ve ya maha nga ti Mkoma a nga ti ti va gelisile tona; se Mkoma a to tumela kuamukela Jobe.
Mwaya wa wuphya wa Jobe
10 # Wona ni ka: Job. 1:1-3. Msana ka kuva Jobe a ti kombelete vangana vakwe vavararu; Mkoma a to engetela so tala, kambidi ka sotshe sile Jobe a nga ti ti naso ngu kale. 11Sekoko va to ta kwakwe votshe vanawe va txiwamna ni va txisikati, ni votshe vale va nga ti ti m'ziva ngu kale, va txi ta dya nayo dipawu m'tini kwakwe, va txi mtsetsa ni ku mthavelela, ka wotshe wubihi wule Mkoma a nga ti ti mrumete; se mmweyo ni mmweyo wawe, a to mninga male, ni tiphera ta nzalama.
12 Mkoma a to katekisa Jobe ka masiku akwe a maphya, kupinda o khata; nguko a vile ni 14.000 wa tinvuta, ni 6.000 wa makamelu, ni 1.000 wa mipatwa ya tihomu, ni 1.000 wa timbongola. 13Kambe a vile ni mtxhanu wa vanana ni vambidi va mazambi ni vanan vararu vamahorana. 14Mwanana wo khata a to mraya ku i Jemima, se ditina da mmwani i Keziya, se ditina da wa wuraru Kereni-Hapuke. 15Kotshe ditikoni, ku sa maneka vavasikati vo tshura ngutu nga vanana va Jobe; se tate wawe a to va ninga thomba hagari ka tindiya tawe.
16Se msana ka tiya, Jobe a hanyile 140 wa malembe; kambe a woni vanana vakwe, vatukulu vakwe, kala ka liveleko la wumune. 17Sekoko, Jobe a fite a di kumbile, a di ni masiku amangi.
Currently Selected:
Jobe 42: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
