Jobe 38
38
DIBHULO DO GWITISA
(38:1--42:6)
Xamulo yo khata ya Mkoma ka Jobe
(38:1--40:2)
1Msana ka tiya, Mkoma a to xamula ka Jobe, ngu mu ka txihuhuri, a txi khene:
2I mani ene wu a nzihalisako sileleto;
ngu mapswi o mbi na wuzivi kani?
3Konkuwa, tsanisa txiwunu txako, u ku wamwamna;
ni na ku wotisa, se awe u na ni xamula.
Ani ni vangile ditiko
4U ti ti hayi awe mbimo yi ni nga va nga ditiko kani?
Ni mahe ni tiziva, ngako u di ni wuzivi.
5I mani a nga veka tipimo ta ditiko mwendo wa m'ziva kani?
Ni ku mwendo i mani a ngadi pima ngu ngoti kani?
6Tiphande ta dona ti tsikaretilwe ha ka txani kani?
Mwendo i mani a nga veka dirigwi do khata,
7mbimo yile tinyeleti ta wuronga ti nga patana ti embelela,
na votshe vanana va Txizimu va txi tsaka ngutu kani?
8 # Wona ni ka: Jer. 5:22. Niku mwendo i mani a nga bhiyela linene ngu matimba,
mbimo yile mati ma nga thekelela me huma,
9ni mbimo yi ni nga ambeka linene ngu marefu,
se ni txi li phutela ngu txidema kani?
10Mbimo yile ni nga ninga mlayo wangu ka linene,
se ni txi li vekela matimba ni sikhoto,
11ni txi khani: U nata kala hawa,
u ngaye masoni kambe,
mavimbi ako o thisa me ta phwatikela hawa kani?
Liwoningo ni txidema sita ngu hani kani?
12Mwendo kukhukhela u velekwa u ti nga rumela mabimbi-kutxa
mwendo u kombile wuronga wukhalo wa wona,
13kasi ku wu txi ñola tikasani ka mafu,
se vaonhi va txi zuzwa ka ona kani?
14Sotshe si fana ni dibumba
aha ka txivango
si txi nga syambalo;
15se liwoningo la txona la vayilela ka vaonhi,
ni diwoko da kutikulisa da funyeka.
16Niku mwendo awe u wulete kala makhatoni ka linene,
mwendo u hokile kutshimani ka hombe ngutu kani?
17Mwendo ma ti tumbulekisile kwako matimba a lifo,
mwendo u woni matimba a mtsudi wa lifo kani?
18Mwendo ngu wuzivi wako u woni kuanama ka mafu kani?
Ni zivise, ngako u txi tiziva totshe eto.
19Yi hani nzila ya mu litako ngu kona liwoningo kani?
Se txidema, wu hani wukhalo wa txona,
20kasi kuhokisa txidema mihinganoni,
ni kuva u ziva tinzila ta nyumbani ka txona kani?
21Kha ditshuri, u ti zivile kukhukhela u velekwa,
ni ku mtengo wa masiku ako mbwa hombe!
I mani a mahako hunguva ni mati a marigwi kani?
22Mwendo u wulete kala sisangalani ka hunguva,
mwendo u woni sisangala sa maralala,
23ti to na ñola hambi mbimo ya kuxaniseka,
ni ditshiku da kulwa ni da yimbi kani?
24Yi hani nzila yile liwoningo li abanekako ka yona kani,
se moya wa wutxani wu txi hangalaka ha mafuni kani?
I mani a mahako mati, mwando, kutitila, ni pheho kani?
25I mani a nga tula nzila me tala mati,
ni nzila ya kuphatima ka kudhindela,
26kasi kunisa mati amu ku singako ni m'thu
ni txiwulani ka kwa mbi na vathu;
27kasi kunonisa mafu a txiwula ni a txisapa,
ni kuthungisa mwasi wa wuphya kani?
28Ina mati ma ni tate kani? Mwendo i mani a mahako mathotho a mwando kani?
29Marigwi a mati mata ngu mndani ka txani kani? Niku i mani a mahako marigwi a mati a nzumani,
30mbimo yile mati ma sisalako mu ka marigwi
ni txitimwi ka kuhokoma ku txi oma kani?
Awe wa yi ziva milayo yi yi fumako nzuma kani?
31Mwendo u nga sikota kumaha Mbobo ya mtxhanu wa tinyeleti,
mwendo kutxhatxha titxhini ta Oriyoni (tinyeleti) kani?
32Mwendo kuhumisa tinyeleti ngu mbimo ya tona,
ni kutsimbitisa txingwingwi ni vanana va txona kani?
33Wa yi ziva awe milayo ya nzumani,
mwendo u nga ziva mtamo wa sona ha mafuni kani?
I mani waku a nga theketa mati ma txi nga mowa kani?
34Mwendo u nga guleta dipswi dako kala marefuni,
kasi ku u txi welwa ngu mati amangi kani?
35Mwendo u na dhana tinyangafula ku ta kha tona:
Hiho hawa kani?
36I mani a nga veka wutxhari mndani,
mwendo i mani a nga ninga wuzivi mapimoni kani?
37I mani a ku ni wutxhari wo balela marefu kani?
Mwendo misava ya nzumani yi nga kwitimiswa ngu mani,
38ngako lithulu li txi maha dibumba,
se ni mabwinzi ma txi namarelana kani?
I mani a ningako sakudya ka sihari ni sinyana kani?
39Ina ngonyamo ya mkati u nga yi xotela nyama,
mwendo u nga malata nzala ya sigonyamwana,
40ngako ti txi sisala mibhalani,
na ti txi solela maphalani kani?
41I mani a ningaho magwana sakudya,
mbimo yile sisondo sa ona si dilako ka Txizimu,
si txi peperukela ngu kupwata sakudya kani?
Currently Selected:
Jobe 38: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
