Jobe 37
37
1Se ngu mhaka ya eto, mbilu yangu ya dhudhumela,
yi ndaka ngu ha ka wukhalo wa yona;
2ni pfisisile diguwa da dipswi dako,
ni kukwangula ko huma ngu txisofuni kwako.
3Txizimu txa rumela txingwalangwanda ni liwoningo, ngu hahatshi ka nzuma,
kala magwito ka mafu.
4Msana ka tiya, txa bhonga ngu dipswi da hombe,
txi dhinda ngu dipswi da txona;
se di ti pfitwe dipswi da txona, kha si sweli kuwa.
5Txizimu txa dhinda ngu dipswi da txona do xamalisa;
Txi maha ta hombe taku kha hi ti zivi.
6Nguko ka hunguva txi kha txona: Wana ha mafuni;
hambi ka matshutshelo, ni ka mati a hombe.
7Txizimu txa fumbaretisa manza a votshe vathu,
ksai ku votshe vathu, va na ziva mithumo ya txona.
8Sihari sa wulela kusisalani ka sona
se si txi zumba mibhalani ka sona.
9Txihuhuri txi khukhela wuphemba,
se pheho yi txi ta ngu wutxani.
10Ngu kufuteta ka Txizimu ma bangiswa mati,
se mati o anama ngutu ma bangiswa.
11Kambe Txizimu txa humisa marefu o dhimba,
se txi hangalasa direfu ngu kukeluka ka txona.
12Sekoko madingano ni txileleto txa txona txa ditshuri,
txa ranganyeta direfu ngu kukeluka
kasi ku di txi maha ti txi ngadi leleta tona,
txitimwi ka mafu o zumba ka ona;
13kumahela kuva txikhawuliso ka mafu
mwendo kuva tikatekiso ka mafu,
hambi kuninga kuhanya kakunene.
Wuzivi wa Txizimu wa kwa mbi gwitelwa
14Ka tiya, pfisisa awe Jobe;
pfisisa ni kulondeta sixamaliso sa Txizimu.
15Ina u ngava u txi tiziva ti Txizimu txi mahisako tona,
txi txi woninga ngu dituro ha ka direfu kani?
16Ina awe wa ziva ti txi hayekisako tona marefu o dhimba,
sixamaliso sa wule wa wuzivi wo hetelela kani?
17Mwendo txi txi futumelisako syambalo sako,
mbimo yile kupepa kutako ngu wuphemba kani?
18Mwendo u gwimbile kumweko natxo nzuma,
yo tsana kufana ni txibuko txo nyekiswa kani?
19Hi gondise ti hi no txi gela;
nguko kuwalo txi hi no txi lulamisa, ngu mhaka ya mtema.
20Ina txi to gelwa ti ni khalako kuwomba kani?
21Se konkuwa, kha di woneki ditambo di diphatimako nzumani;
aniko wu txi pinda moya wu txi si kuwula,
22kuphatima ka nzalama kuta ngu wuphemba;
nguko ka Txizimu ku ni kuthaviseka ka hombe.
23Ka wu wa Mtamo-wotshe kha hi na kuhoka;
mbwa hombe amu ka mtamo;
aniko kha lamuli ni wammweyo ngu timbiti,
ni wuhombe wa wululamo.
24Ngu mhaka yeto, vathu va mthava;
ene kha thavi vale va ku ni mbilu yo txhariha.
Currently Selected:
Jobe 37: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
