Jobe 36
36
Kuwombawomba ka wumune ka Elihu
( 36 kala 37)
1A to engeta kambe Elihu, a txi khene:
2Ni verele ka kudotho, ni na kukomba taku,
ku ngadi ni ditshuri do emela Txizimu.
3Wuzivi wa mawonelo angu wuta ngu kule;
se M'vangi wangu ni na mninga wululamo.
4Nguko ngu ditshuri, mapswi angu hi nga a makuhu;
awu wo thembeka kuwombani kwakwe, a ni nawe.
Txizimu txa vhikela kambe Txizimu txa tsayisa
5Wona taku, Txizimu nja hombe ngutu;
hambi keto, kha txi txhipisi ni wammweyo;
nja hombe amu ka mtamo wa mbiluni.
6Kha txi leki m'bihi a txi hanya,
kambe txa emela vale vo xupheka.
7Kha txi thavisi maso a txona ka vo lulama;
kukhata txa veka vafumeli yotshe mbimo,
se ngu kumaha keto va guletwa.
8Se ngako va di sungilwe ngu titxhini,
ni kusungelelwa ngu tingoti ta sixaniso,
9txa va zivisa mithumo yawe ni sihambunyeto sawe;
ngako va nga tsana ka sona.
10Txizimu txa va gela eto tinzeveni kwawe, kasi ku va gondisa,
ni ti to va na hume ka wubihi wawe.
11Se va txi engisa Txizimu ni ku txi thumela,
va na heta masiku awe kha kwati, ni malembe awe amu kutshambani.
12Aniko, va si txi engisi,
va na dawa ngu ditxhari,
ve fuva, na va si nga ni wuzivi.
13Se va timbilu to kanganyisa, va ti ndindela kuhenyelwa;
txi txi va sunga, kha va na mbi kombela kulamulelwa.
14Vafa i di ngadi vavaphya,
se wutomi wawe wu lova manzani ka Vasodhoma.
15Txizimu txa txhatxhisa wo xaniseka kuxanisekani kwakwe,
txa ti pfalisa tinzeveni ka vo xaniseka.
Awe u xaniswa ngu mhaka ya wubihi wako
16Nguko se Txizimu txi na kuvayilelisa ka sixaniso,
txi kuyisa ka wukhalo wo thandawuka, ku kuwalo kukamana,
kambe siya sa meza yako si na tala ngu mafura.
17Kambe awe u taletwe ngu mapimo a wubihi;
wulamuli ni kutsayisa si na kumanela.
18Ti wonele ti to u si henyi kupinda mpimo,
u nga xengwe ngu kutalelwa ngu silo.
19Ina Txizimu txi ndi na themba tithomba tako,
ni kotshe ku ti ningela kwako ngu mtamo, ku va u si kameki kani?
20U nga navele kuwona wusiku,
ewo vathu va hetwako ka wona.
21Ti wonele, u nga wekelele ka wubihi;
nguko ngutu u nga ti sawulela u si se xaniseka.
Eto wu nga kulisa tona mtamo wa Txizimu
22Wona taku Txizimu txa guleka ngu mtamo wa txona;
i mani a gondisako kufana natxo kani?
23I mani a no komba Txizimu nzila ya txona,
mwendo i mani a nga khene: Awe u mahile to biha, kani?
24Alakanya kukulisa mithumo yako,
ayile yi wonwako ngu vathu.
25Votshe vathu va yi wona mithumo,
ayi va yi wonako ngu kule.
26Wona, Txizimu nja hombe kupinda wuzivi wathu;
kambe kha ku na kubalwa malembe a txona.
Mtamo ni kuthaviseka ka Txizimu
27Nguko txa sengeletela mathotho a mati,
txi ma nisa ngu kutuvika ka kuhisa,
28ale ma humako ngu ka marefu,
ma nelako vathu na i di amangi ngutu.
29Ina ku nga zivaneka kuanama ka marefu,
ni kudhinda ka ditenda da kona kani?
30Txizimu txa nawuluta txitimwi ka marefu liwoningo la txona,
kambe txa fenengeta txitimwi ka linene.
31Nguko txi lamula vathu ngu sona,
kambe txa va ninga sakudya so tala.
32Txa fenengeta liwoningo ngu manza,
txi txi li tsimba ku ma tshawunyeta.
33Atxi txi hi zivisako mipiso ya txona,
ni sihari sa hi zivisa ngu kuta ka txidhukisa.
Currently Selected:
Jobe 36: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
