Jobe 35
35
Kuwombawomba ka wuraru ka Elihu
(Tximimo 35)
1Elihu a to xamula kambe, a txi khene:
2Ina wa dingana kuwomba ku khawe:
Kululama kwangu ka pinda kululama ka Txizimu, kani?
3Nguko u ti khawe:
Ni na mana txivhuno muni kani?
Ni ndi na bhindula txani txo pinda txionho tangu kani?
4Ani ni na kuninga xamulo,
awe kumweko ni vangana vako.
Kutandeka kwako kha kuxuphi Txizimu, aniko vamwani vathu
5Hi nga dwe, u wonetela nzumani;
u wonisisa marefu o guleka ngutu, ma ku txitimwi ngutu kupinda awe.
6 # Wona ni ka: Job. 22:2-3. Se ngako u txi onha, Txizimu txi onhekelwa ngu txani kani?
Hambi si txi tala sihambunyeto sako, u na txi maha txani Txizimu kani?
7Ngako u di lulamile, u na txi ninga txani Txizimu,
mwendo txi amukela txani ngu manzani kwako kani?
8Wubihi wako wa maha ta walo ka mmwani m'thu;
ni kululama kwako ka vhuna mwanana wa mkwanu.
9Va diliswa ngu mhaka ya kuxaniswa ka hombe;
va diliswa ngu kutxikwa ngu diwoko da vahombe.
10Aniko ni wammweyo kha wombi ku khene: Txi hani Txizimu txi txi nga ni va nga kani?
Txi ningako kuembelela ni wusiku kani?
11Atxi txi hi mahako vo ziva kupinda sihari sa ha mafuni
ni ku hi maha vo txhariha ngutu kupinda sinyana sa nzuma kani?
12Va dila, aniko Txizimu kha txi xamuli,
ngu mhaka ya kutikulisa ka vabihi.
13Ditshuri ngu ti to, Txizimu kha txi na mbi engisela wukanganyisi,
hambi kupfiwa ngu wa Mtamo-wotshe.
Awe, khu ti zivi ti u wombako
14Se ngu ka tile u nga womba, khu na mbi wona Txizimu;
kulamula ku masoni ka txona; ngu mhaka yeto, txi verele.
15Se konkuwa, ngako ku sa nziko ku vhutuka kuhenya ka txona,
kambe kha txi na mhaka ni va kutikulisa,
16koneko, Jobe a to tula walo txisofu,
a txi tatela mapswi o mbi na wuzivi.
Currently Selected:
Jobe 35: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
