Jobe 34
34
Kuwombawomba ka wumbidi ka Elihu
(Txipimo 34)
1Elihu a to xamula kambe, a txi khene:
2Engisani ditshuri dangu, anu titxhari;
ni nanu va wuzivi, namisani tinzeve kwangu.
3Nguko nzeve ya xola mapswi
ku nga txisofu txipfako sakudya.
4A hi ti sawuleleni ti i ku to lulama;
ni kuziva ti i ku tinene.
Txizimu kha txi dyeleli m'thu ni wammweyo
5Nguko Jobe a ti khene: Ani ni lulamile,
aniko Txizimu txi thavisile madingano angu.
6Hambiko ni ku ni madingano angu, ni mahwa wa makuhu;
txilonda txangu kha txi holi,
hambiko ani ni kuwalo mnandu.
7Mbwamwamna muni a kuho wo nga Jobe,
wo sela sipoyilelo nga o sela mati kani?
8Wo tsimbila ni vamahi va wubihi,
kambe a tsimbilako ni vaonhi kani?
9Nguko a ti khene: Kha ku nga ni dibhindu da txilo,
kutsakiswa ngu Txizimu.
10Ngu kumaha keto, anu vavamna va mapimo, ni engiseni:
Kambe kule ni Txizimu wubihi,
kule ni wa Mtamo-wotshe, wuhambunyeti.
11 # Wona ni ka: Mas. 62:12. Nguko, txi tshumetela m'thu, madingano ni mithumo yakwe;
txi maha ti to m'thu ni m'thu e mana, madingano ni dihanyo dakwe.
12Kambe, kha ditshuri, Txizimu kha txi mahi ngu wubihi;
hambi wu wa Mtamo-wotshe, kha sanuli malamulelo.
13I mani a nga ninga Txizimu kufuma mafu kani?
Niku i mani a nga txi ninga dotshe ditiko kani?
14I tiku Txizimu txo va ni mbilu yo wukela m'thu,
txi thavisa moya ni muhefemulo ka m'thu,
15yotshe nyama yi ndi na patana yi txi fa,
se m'thu a ndi na tshumelela lithuluni.
Txizimu txi lulamile, kambe nja mtamo ngutu
16Ngako koko, ku diho kwako kupimisa, engisa tiya;
namisa nzeve ka dispwi da kuwomba kwangu.
17Ina wule a nyenyako wululamo a ndi na fuma kani?
Se awe u lava ku kona wule i ku wo lulama, wa mtamo, kani?
18Mwendo ku nga wombwa ka mfumeli taku: O! Bheliyali kani?
Hambi ka vathangeli, taku: Mi vaonhi, kani?
19Ngutu-ngutu Txizimu txi si nyenyiko mthangeli,
hambi kukhatalela nyatithombe kupinda txisiwana;
nguko sotshe mthumo wa manza a txona.
20Vona, ngu mbimoanyana vafa;
se hambi hagari ka wusiku vathu va xaniswa, ve pinda,
ni va mtamo ngutu va tekwa, va si ti lweli.
21Nguko maso a Txizimu ma wonetela dihanyo da m'thu ni m'thu,
kambe txa wona kotshe mu hi kandako kona.
22Kha ku nga ni txidema, hambi mtsudi wa lifo,
ko dingana ku vaonhi va nga sisala kona.
23Nguko Txizimu kha txi lavi kulaphisa mbimo
kasi kuyisa m'thu masoni ka txona, kuya lamulwa.
24Txizimu txa rera va mtamo, ku si maneki ni wa ku wotisa,
se ka wukhalo wawe txi veka vamwani.
25Txizimu koko txa yi ziva mithumo yawe;
ni wusiku txa va juja, ni ku va tshinda.
26Txa va tsayisa nga ova vaonhi,
va di masoni ka vale va va wonako;
27nguko va tsute kule natxo,
kambe kha va londeta ni nzila yimweyo ya Txizimu,
28kasi ku kudila ka txisiwana, ku txi hoka ka Txizimu,
txi engisa kudila ka vanana vo xomuleka.
29Se ngako Txizimu txi txi malala i mani wa ku txi sola kani?
Ngako txi txi ti tsiva khohe, i mani waku a nga txi wona,
ka vathu votala, hambi ka m'thu mmweyo kani?
30Kasi ku mkanganyisi asi dhuki e fuma,
ni ti to vathu va si riyelwi milawu.
Awe u ti emisete kuleka kumaha to biha kani?
31Kha ditshuri i mani a nga womba ka Txizimu, a txi khene:
Ni khawute, kha ni na mbi onha kambe;
32ati ni si ti woniko, awe ni gondise;
ngako ni di mahile wubihi wokari, na mbiswa ni wu maha kani?
33Ina hakhelo ya kona yi ta ngu kwako,
ko na za u txi yi txhipisa kani?
Sawula koko awe, na i si nga ani;
ngu tihi kona kuwa, u ti zivako awe kani? Womba!
34Vathu vale va ku ni mapimo va na ni gela,
ni vale vo txhariha va na kha vona:
35Jobe, a wombile a sa pimisa;
aniko ka mapswi akwe kha ku nga ni wutxhari.
36Tata wangu! Jobe a na dukwe kala magwito,
ngu mixamulo yakwe apune yo biha.
37Nguko wa engetela txionho txakwe ngu wuhambunyeti;
hagari kwathu, wa peka manza,
e tata kutiemela, e wukela Txizimu.
Currently Selected:
Jobe 34: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
