Jobe 18
18
Kuwombawomba ka wumbidi ka Bhilidhadhe
(Txipimo txa 18)
Malala Jobe, u pfisisa
1Sekoko Bhilidhadhe, Musuwita, a to xamula, a txi khene:
2Mi na thumisa wurindi kupinda mapswi kala mbimo muni kani?
Pimisani kha kwati, msana keto hi na womba-womba.
3Hi mahiswa ku nga ho va sihari,
ni ku nga vamahi va wubihi masoni kwanu ngu txani kani?
4O awe u tshatulelako moya wako ngu kuhenya,
ina ma na lekwa mafu ngu mhaka yako kani?
Ma na rindilika marigwi ngu wukhaloni ka ona kani?
Magwito a vabihi
5“Ngu ditshuri, liwoningo la wa kubiha li na timeka,
hambi tshatsha ya ha m'tini kwakwe, kha yi na mbi ketika.”
6Liwoningo li na phuma matendani kwawe,
kambe dilambu dakwe di na timeka.
7Mazambo akwe o tsana ma na koma,
se milayo yakwe yipune yi na mkhundumusa.
8Nguko a na wuletwa likokani ngu mikondo yakwe yipune.
Kambe a na tsimbila ka tingoti to riyelwa.
9Litshenga li na mmana ngu ha ka txizenende,
se txigevenga txi na mtsindaveta.
10Ku ni dibzweto di nga sisala hahatshi ka mafu;
se ni mlawu wu ku ha ka lisoko.
11Kuthava ku na m'dhukisa ka otshe madhawa, ku mmaha e tutuma eya khe ni khe,
ni hani ha a no tutumela kona.
12Mtamo wakwe wu na guma, se e pfa nzala,
kukhundumuswa ku m'verete didhawani kwakwe.
13Siro sakwe si na mitwa,
ina, matiwula a kufa ma na mita siro sakwe.
14A na thaviswa ditendani kwakwe, emo a nga ti thembile kona,
se a na heleketwa ka mfumeli wo thisa.
15Ditendani kwakwe a na ya zumba wule i nga ti si nga ene;
ku na xwayelwa txivavula txitimwi ka nyumba yakwe.
16Hahatshi, mitwi yakwe yi na oma,
se txitimwi ma na wilelwa madhavi a kona.
17Maalakanyo akwe ma na lova mafuni,
ditina dakwe kha di na mbi maneka mithandani.
18Ngu kuwonekelani va na mtshotsha txidemani,
kambe va na mtutumisa ha ditikoni.
19Kha na mbi va ni mwanana hambi mtukulu ka vathu vakwe,
kha ku na mbi maneka ni wammweyo wo sala tinyumbani kwawe.
20Ngu ditshiku da kona, va na xamala avale va nota,
se avale va kale va na ndakandakiswa ngu kudhukiselwa.
21To nga eto, ngu tona ngu ditshuri, tinyumba ta vahambunyeti,
se awuwa ngu wona wukhalo wa wu asi ziviko Txizimu.
Currently Selected:
Jobe 18: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
