Jobe 17
17
1Moya wangu wa guma,
masiku angu ma pfhiteka,
se nova ni dithitha masoni kwangu.
2Ina kha va nga hafuhi ni nani valala vangu kani?
Se ina maso angu kha ma ku woni ku ni xanisa kwawe kani?
Vathu vata ve ta ni thurela khoheni
3Thembisa nkonku ku ni ninga muemeli masoni kwako;
i mani a kuho wo dingana ku ni vhuna kani?
4Nguko mbiluni kwakwe u sisile wutxhari,
ngu kumaha keto, khu na mbi va guleta.
5A wule ngu kutsaka a gelako vangana vakwe,
vanana vakwe va na pfhupeliswa maso.
6Aniko ani a ni vekile kuve txisekiso ka vathu,
se ni gwitisile kuva txinyenyeko kwawe.
7Ngu kumaha keto, maso angu se ma phumile ngu kupanda,
kambe sotshe siro sangu se si fana ni mtsudi;
8avale vo lulama, va xamate ngu tona tiya,
se awule wo mbi na mnandu a na wukela mkanganyisi.
9Se awule wo lulama a na londisa nzila yakwe a di tsani,
ni wu wa manza o sawuleka, mtamo wakwe wu na engetelwa.
10Aniko ngu ditshuri, tshumelani motshenu, mi wuya kheno,
nguko hagari kwanu kha ni mani ni wammweyo wo txhariha.
Yi hani themba yangu kani?
11Masiku angu ma pindile,
se mialakanyo yangu yi fite,
i ku kunavela ka mbilu yangu.
12Va phemberusile wusiku va txi kha vona ditshiku;
liwoningo li hafuhi ni kugwita, ngu mhaka ya txidema.
13Ngako ni txi wona dithitha ku nga nyumba yangu,
ni kuveka m'bhedhu wangu amu txidemani,
14ngako ni txi kwangula ka dithitha, ni txi khani: Awe ngawe tate wangu;
ni ka timbungu ni txi khani: Anu nganu mwamwangu ni ndiyangu;
15Sekoko themba yangu yi ndi nava hani kani?
Ina, themba yangu i mani waku a nga yi wona kani?
16Themba yiya ni na relela nayo ka wukhalo wa Xeole,
mbimo yi hi no ya mana kuhumula.
Currently Selected:
Jobe 17: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
