Jobe 16
16
Xamulo ya Jobe ka Elifazei
( 16--17)
Mapswi amangi ngutu
1Sekoko Jobe a to xamula a txi khene:
2Ni khala ku nga pfa to tala to nga tiya;
anu motshenu mi vathaveleli vo xanisa.
3Ina kha ma na mbi guma mapswi awa a moya kani?
Niku mwendo nji txani txi ku henyisako uza u xamulisa tiya kani?
4Ina nani ni ndi na wombawombisa tona ti mi wombawombisako tona,
i ti kova ku moya wanu wu ka wukhalo wa moya wangu kani?
Niku mwendo ni ndi na mi wukela ngu mapswi o tala,
ni mi weketela msungo wangu kani?
5Kukhata mi ndi na ti tsanisa ngu txisofu txangu,
se kuthavelela ka txisofu txangu, ku da boxisa kupandiseka kwanu.
6Ngako ni txi womba-womba, kupandiseka kwangu kha ku gwiti;
se ni txi malala, ku hani kuhehukelwa kwangu kani?
Txizimu txi ni tshindile
7Kha ditshuri konkuwa na xaniseka;
awe u xasete otshe maxaka angu.
8Wufakazi wa kona, ngu ku u ni mahile ni thuvika,
se kugoma kwangu ka ni wisa hahatshi,
ni khoheni kwangu ku ni wufakazi wo ni wukela.
9Txizimu txi ni phatulete kuhenyani ka txona, se txi ni tutumisile;
txi gegeresete makwasa ngu ku ni henyela;
mlala wangu wa ni ronolela ngu maso akwe.
10Va tula sisofu ve ni wukela;
va ni kwiritile ve ni dayisa txiletu,
se votshe vata ve ta ni randela.
11Ni ningele ka vahambunyeti awe Txizimu,
kambe ni wise manzani ka vaonhi.
12Ani ni ti ti humute, kambe Txizimu txi ni phatulete;
se txi to ni ñola ngu thamo txi ni phatulela.
Kambe txi ni mahile wo bzwetwa.
13Va jangeti va tingove va ni randete;
txa ni fula titsho, txi si ni tsetsi;
se nyongwa yangu yi thekela ha mafuni.
14Txi ni phatulela ngu tivandwa txitimwi ka tivandwa;
txi ti rinza kwangu kufana ni m'thu wa mtamo.
15Rungani mkhwasi aha ka nyama yangu,
se mi rindilita msungo wangu lithuluni.
16Yotshe khohe yangu yi simbile ngu kudila,
se txitimwi ka timboni tangu ku ni mtsudi wa lifo,
17hambiko ku singako ni kulwa manzani kwangu,
ni mkombelo wangu wu nga mbi sawuleka.
Nzumani, ni ni wu a ni emelako
18O! Mafu, u nga kuletele mnoha wangu;
kambe ku nga maneke wukhalo wa kudila kwangu!
19Sekoko konkuwa, yiho fakazi yangu nzumani,
ni muemeli wangu txitimwi.
20Vangana vangu ngu vona va ni poyilelako;
maso angu ma theketa mirongo masoni ka Txizimu.
21O! Iti ku waho wo phota ka Txizimu ngu mhaka ya m'thu,
nga mwanana wa m'thu ngu mhaka ya mngana wakwe!
22Nguko ngu kupinda ka malembe amadotho,
ani ni na londisa nzila yi ni no mbi tshumela ni wuya ngu yona.
Currently Selected:
Jobe 16: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
