Jobe 15
15
MABHULO A WUMBIDI
(Sipimo sa 15 kala 21)
Kuwombawomba ka wumbidi ka Elifazi
(Txipimo txa 15)
Awe u wombawombisa tiya ngu mhaka ya txionho txako
1Sekoko Elifazi Mutemani a to xamula, a txi khene:
2Ina txhari yi nga dhuka yi ninga xamulo ngu wuzivi wa moya kani?
Niku yi nga tata mrumbu wa yona ngu moya wa wutxani kani?
3Yi ti kona ngu mapswi ma si vhuniko txilo,
ni ditshuri di si dinganiko kulondolwa kani?
4Awe wa maha ti to kuthava ku si vhuni txilo,
u hungula sikombelo masoni ka Txizimu,
5nguko txisofu txako txa nuwela wubihi wako;
na kuve awe u sawute lidimi a titxhari.
6Txisofu txako txa ku kona, na i si nga ani;
kambe sisofu sako si ni wufakazi wo kuwukela.
7Ina u ngava u ti wamwamna wo khata kuvelekwa awe kani?
Ni ku mwendo u vangilwe ku si se vaho mimango kani?
8Mwendo u pfite txilayelo txa txihunja txa Txizimu,
mwendo u gwitetwe ngu wutxhari kani?
9Nji txani u txi zivako awe hi nga si txi zivi athu kani?
U ziva txani txa kuva txi singaho kwathu kani?
10Kambe vaho kwathu vale vokumba
vo kumba ngutu, vo kumba kupinda tate wako.
11Ina mwendo kuthavelela ka Txizimu ngudotho kani?
Niku mwendo to kari ta timeleka kwako kani?
12Ngu kutxani yi gulekako mbilu yako,
niku u tsopetisela maso ako ngu kutxani kani?
13Moya wako wu tshuralela Txizimu ngu kutxani,
se u leka mapswi o ngeto me huma ngu mkanani kwako kani?
14Njitxani m'thu, konaza eva a di sawulekile kani?
Ni ti taku awule a velekwako ngu wamsikati, eva wo lulama kani?
15Wonani taku, nga thembisa kutxani vasawuleki va txona,
hambi nzuma yi nga mbi sawuleka masoni ka txona.
16Ti mahisa kutxani taku m'thu e ti nyenyezisa ni kuva ni manyala,
e sela wubihi ku nga mati kani?
M'bihi, a xaniseka kuhanyani kwakwe kotshe
17Ni engise, ni na kukombisa;
kambe a ti ni nga ti wona, ni na kugeletela;
18atile ti nga wombwa ngu sizivi,
ni tile si nga tipfa ka vatate va sona kha sa malala nato
19(i ku vale va nga ti ningela mafuni,
kambe ni wammweyo wa hahanze kha nga maneka hagari kwawe):
20Otshe masiku m'bihi wa ti khawulisa apune,
malembe a mtengo wa wudotho ma veketwe m'thu wa tshofu.
21Diguwa da tihuwa di tinzeveni kwakwe;
hambi mu ko thutha, wata kwakwe mxaseli.
22Kha tumeli taku a na huma ngu txidemani,
na kuve wa verelwa ngu ditxhari.
23A peperukela e tsimbila e lava dipawu, a txi khene: Di hani kani?
Wa tiziva kha kwati taku, ditshiku da txidema di hafuhi.
24Mtsudi wa kuxaniseka ni xomulo wa mfenengeta;
kufana ni mfumeli wo longela ku yalwa.
25Nguko a nawulutile dianza dakwe e wukela Txizimu,
e henyela wule wa Mtamo-wotshe.
26E kuluveta kuyela Txizimu ngu wulala,
na a di ni siholoma sa sitxhavangu sakwe.
27A maheto a di lemile khohe yakwe ngu mafura,
se e khura ha koza e huma ni m'bhwese.
28Se a to ya zumba ka madhoropa o xaselwa,
ka tinyumba tile ni wammweyo a nga si zumbi ka tona,
ti zile ti maha marumbi.
29Kha yi na mbi tala, hambi kulaphisa mbimo thomba takwe,
mwendo kuanda ha mafuni asile si mlumbako.
30Kha na mbi huluka txidema;
m'dhikila wa mndilo wu na omisa sile si thungako,
se ngu kufuteta ka Txizimu, yi na hangalaka.
31A nga thembe ta wugwili wakwe,
e ti kanganyisa apune, nguko wukanganisi i nava hakhelo yakwe.
32Yona yi na guma di si se hoka ditshiku da kona;
se didhavi da kona kha di na mbi tshumela di nakana.
33Mauvha a kona ma na mbambamela i di ngadi mambisu,
kufana ni a muuvha wo wisetela siluva nga muolivha.
34Nguko kutala ka vaxengeteli ku na maneka i di kusavala,
mndilo wu na tshokomisa matenda a wuxaveleli.
35Va ni sirumbu sa mthumo wo veleka wubihi,
se tindani kwawe kululamisela wukanganyisi.
Currently Selected:
Jobe 15: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
