Isaya 52
52
Txizimu txi na hanyisa Jerusalema
1 # Wona ni ka: Mtu. 21:2,27. Wuka, wuka, ambala mtamo wako, awe Siyoni;
ambala syambalo sako so tshura ngutu, awe Jerusalema,
didhoropa do sawuleka; nguko kwako
kha ku na mbi thuka ku txi wulela
awu a nga mbi ya wukwerani, hambi wa kwa mbi basa.
2Gubhuta lithulu,
wuka u khalahatsha, awe Jerusalema;
titxhatxhise ka tingoti ti ti ku thamoni kwako,
awe mwanana wa muhorana wa Siyoni, u ku khumbi.
3Nguko Mkoma a to khene ka vathu vakwe:
Kha ma xaviswa ngu txilo; kambe mi na tirulwa, na i si nga ngu male.
4Nguko Mkoma Txizimu a khene:
Ka masiku ale ma nga pinda, vathu vangu va relete veya Egipta, kasi kuya luvela kona, se Asiriya a to va khozisa hahanze ka mnandu. 5#Wona ni ka: Var. 2:24. Se konkuwa, nji txani ni no txi maha, kuwomba Mkoma, nguko vathu vangu va ñotwe, va si nga ni mnandu kani? Avale va va fumelako va peka tihuwa, kuwomba Mkoma; se ditina dangu da ruketelwa, ngu ha ku si gwitiko, ditshiku ni ditshiku. 6Ngu kumaha keto, vathu vangu va na ziva ditina dangu, ngu mhaka yiya ka ditshiku dile, nguko ani nipune ngani ni wombako: “Ngani wuwa!”
7 # Wona ni ka: Var. 10:15; Vaef. 6:15. Hi nga kutshura ka yona txitimwi ka mimango mikondo ya wu a zivisako mahungu amanene,
a wu a huwelelako kudikha, a zivisako wunene,
a pfalisako kuhanyisa, a ku khene ka Siyoni:
“Txizimu txako txa fuma.”
8Engisani huwa ya vawoneleli vako!
Vona va guleta mapswi, ve embelela kumweko,
nguko ngu maso awe va na muwona,
mbimo yile Mkoma a no tshumelela Siyoni.
9Kwangulani mi embelela, mi pfalisa kumweko, anu marumbi a Jerusalema!
Nguko Mkoma a thavelete vathu vakwe,
a tirute Jerusalema.
10 Mkoma a thavisile diwoko dakwe do sawuleka,
ti txi wonwa ngu maso a matiko otshe;
se otshe magwito a mafu,
ma na wona kuhanyisa ka Txizimu txathu.
11 # Wona ni ka: 2 Vak. 6:17. Khukhani, khukhani, humani emo,
mi nga gweseni txilo txo mbi basa;
humani hagari ka dona, ti sawulekiseni anu mi rwalako siya sa Mkoma.
12Nguko kha mi na mbi huma ngu kukuluveta,
hambi kutsula ngu kututuma,
nguko Mkoma a na thangela masoni kwanu,
se Txizimu txa Israyeli, txi na mi londeta ngu msana.
Kuxaniseka ni kuxula ka txithumi txa Txizimu
13“Wonani taku, txithumi txangu
txi na maha ngu wunene;
txi na kuliswa, ni kuguletwa, ni kuthaviseka ngutu.”
14Vathu votala mbimo yi va nga wona va to xamala,
nguko khohe yakwe yi ti ti bihile ngutu, kupinda tikhohe ta vamwani,
ni txiwumbeko txakwe txi ti ti pinda txa vamwani anana va vathu.
15 # Wona ni ka: Var. 15:21. Ngu kumaha keto, a na xamalisa matiko o tala,
ni vafumeli va na pwata ni txo ngu mhaka yakwe,
nguko va na wona ni ti va sinziko kuziviswa,
se ni tile va nga mbi tipfa, va na ti pima.
Currently Selected:
Isaya 52: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
