Isaya 4
4
1Se mtxhanu wa vavasikati ni vambidi, ka dona ditshiku dile, va na ti ñolela wamwamna mmweyo, va txi kha vona: Athu hi nadya sakudya sathu ni kuambala syambalo sathu; ho lava dwe ti to hi dhanwa ngu ditina dako; hi thavise tingana tathu.
Kutsaka kuwa kutako txitimwi ka Jerusalema
2Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala. 3Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema. 4Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa. 5Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa. 6Se ku nava ni ditenda di tsivako lisani ni mitshikari, ni kuthavela kona kuya sisala txihuhuri ni nzuma.
Currently Selected:
Isaya 4: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
