Isaya 22

Txiziviso txo wukela Jerusalema

1Mahungu a mkova wa Txiwoniso.

Wo va ni txani konkuwa, koza u kwela txitimwi ka tinyumba kani?

2Awe didhoropa do tala ngu tihuwa;

Didhoropa da tipfilupfilu,

didhoropa do ndaka-ndaka ngu litsako,

vafi vako hi nga vafi vo dawa ngu ditxhari,

kambe kha va fela yimbini.

3Votshe vathangeli vako va tutumile kumweko,

va ñotwe ngu va nyamalaho;

votshe vale va nga manwa kwako, va sungilwe kumweko,

aniko va tutumile veya kule.

4Ngu toneto, ni khani:

Mi nga ni woneteleni,

ni na dila ngu txiviti;

mi nga karaleni ngu ku ni thavelela,

ngu kuhaxulwa ka mwanana wa muhorana wa vathu vangu.

5Nguko ditshiku da xomulo, ni da tingana, ni da pfilu-pfilu,

ngu dona diya da kuta ngu ka Mkoma,

Txizimu txa Tiyimbi, mkovani ka Txiwoniso:

Kukhundumuswa ka maguma,

ni huwa yo hoka ni mimangoni.

6Nguko Elamu a tekile wulaho,

ni sikotxikani sa vavamna ni vagadhi va mahantxhi;

se Kiri a humisa sitxhavangu.

7Se ku na maheka taku, mikova yako yo tshura ngutu, yi tala ngu sikotxikani,

se vagadhi va mahantxhi va na txhatxhamela ha txikeni.

8Se ku na thaviswa txivhikelo txa ka Judha.

Ka ditshiku dileya, u na wonetela matxhari a nyumba ya txitingani. 9Mi na wona tifa ta didhoropa da Dhavhidha i ku tatingi; se mi na sengeleta mati a txisima txa hahatshi. 10Kambe mi na bala tinyumba ta Jerusalema, mi khundumusa tinyumba, kasi kutsanisa maguma. 11Kambe mi mahile sisima hagari ka maguma mambidi txo thela mati a txisima txa kale,

aniko kha ma wona txitimwi,

kambe kha ma khatala ngu wule a nga va nga sona,

hambi kukhatala ngu wule a nga si va nga kukhukhela kaleko.

12Se Mkoma,

Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa,

ni ku kuyula misungo,

ni ka muambalisi wa masaka.

13 # Wona ni ka: 1 Vak. 15:32. Aniko wonani m'buso litsako;

ka dawa tihomu ta mikati, ni tinvuta;

kudyiwa nyama ni kuselwa vhinya, aniko kuwombwa tiya:

He dyeni, hi sela, nguko mangwana hi na fa.

14Aniko Mkoma wa Mabutho a Tiyimbi, a wombile tinzeveni kwangu a txi khene:

Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Txiziviso txo wukela Sebhina

15 Mkoma, Txizimu txa Mabutho a Tiyimbi, a khene: Tsula u ya wonana ni Sebhina, mxayisi wa timale, mxayisi wa tithomba, u txi m'gela ku khawe:

16U ni txani hawa kani? Mwendo i mani u ku nayo hawa, aku u kelako dithitha, u kela ka wukhalo wo guleka dithitha dako, u ti mahela dizumbo upune amu ka dirigwi! 17Wona taku, Mkoma a na kurinza ngu mtamo ngutu, kufana ni wamwamna wa mtamo, a txi ku phutela do gwita. 18Ngu ditshuri a na ku rindilitela kufana ni bhola#22:18 Bhola: Homa. ka wukhalo wo anama, wa hombe ngutu; koneyo u na fela kona, kambe koneyo si na gumela kona sikotxikani sa wudhumo wako, i ku tingana ka nyumba ya nyamne wako.

19Kambe ni na kuthavisa mthumoni kwako, ni ku kuthavisa ha txikhaloni kwako. 20Se ka dona ditshiku dile ku na maheka ti to ni dhana txithumi txangu Eliyakimu, mwana Hilikiya. 21Se ni na muambeka dibhaji dako, ni mtsanisa ngu libhande lako, ni ningela manzani kwakwe mfumo wako, se ene a na va tate ka vaaki va Jerusalema, ni ka nyumba ya ka Judha. 22#Wona ni ka: Mtu. 3:7. Se ni na veka khiya ya nyumba ya Dhavhidha ha dikatani kwakwe, se a na tula, ku si maneki ni wammweyo wo seka, a no seka, ku si maneki ni wammweyo wo tula. 23Se ni na m'bethela kufana ni txipikiri ka wukhalo wo tsana, a na fana ni txikhalo txa wukoma wa lisima, ka nyumba ya tate wakwe. 24Va na hayeka txitimwi kwakwe wotshe wudhumo wa nyumba ya tate wakwe, makhukhu ni tiveleko, sotshe sikadyana, kukhukhela ka majingo kala ka mabhojela. 25Ka ditshiku dile, kuwomba Mkoma wa Mabutho a Tiyimbi, txipikiri txi txi nga bethelwa ka wukhalo wo tsana, txi na thaviswa; txi na gwandwa txi txiwa, ni sotshe sile si nga ti hayekilwe ka txona, si na pshwitimuka, nguko Mkoma a wombile.

Currently Selected:

Isaya 22: BEC2016

Highlight

Copy