Ekleziyaste 12
12
1Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”; 2kusanzi kuphuma ditambo, ni kuwonekela, ni mtxima, ni tinyeleti, ni kutshumela meta marefu msana ka kuwa ka mati; 3ditshiku di vawoneleli va nyumba va no dhudhumela, ni vavamna va mtamo va no nama, ni vagayi va no ema ngu kuva i di vadotho, ni liphume la vale va solelako ngu mu ka mafasitela; 4se matimba amambidi a ha txidingeni ma no sekwa, ngu mhaka ya diguwa da hahatshi da txigayo, ku txi guleka dipswi da sinyana, ni otshe mapswi a kuembelela ma txi relela; 5ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela;
nguko m'thu wa tsula ka nyumba#12:5 yakwe yo gwita. yo gwita, se vale vo saluka, va na tsimbila-tsimbila mtendelani; 6kusanzi kubhenuka txhini ya silivhela, ni kufayeka digombe da nzalama, ni kufayeka ka lidhuwa hafuhi ni txisima, ni kufayeka ka likasa la txisima, 7ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.
8Wukanganyisi wa wukanganyisi, kuwomba M'gondisi, sotshe mbukanganyisi.
Magwito
9Se mbimo yi M'gondisi a nga ti ni wutxhari ngutu, a to gondisa wutxhari wawungi ka vathu; kambe a to pfisisa, e pima, se e maha mavingu amangi. 10M'gondisi a to lava kumana mapswi o tsakisa; se mibhalo nja yinene, mapswi a ditshuri. 11Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.
12Se kuleka eto, mwanangu, pfisisa: Kha ku nga ni muhingano#12:12 Vaheb. kubhala mabhuku. kubhala mabhuku, kugonda ngutu, ngu xanisa nyama.
13Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu. 14Nguko Txizimu txi na yisa mithumo yotshe kulamulwani, ni yotshe yi yi ku kusisalani, mwendo ya yinene, mwendo njo biha.
Currently Selected:
Ekleziyaste 12: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
