Ndando ya Tindando DIPSWI DO THANGA
DIPSWI DO THANGA
Ndando ya Tindando, i kusengeleta ka sithopo sa ndando ya kurandana ka dizambi ni dihorana (Jer. 33:11).
Ka vatxhamuseli vamwani dibhuku diya di dhanwa ku “Ndando ya Solomoni:”
Tindando tiya txi txhamuselwa ngutu ngu Vajudha, ti fananiswa ni lirando la Txizimu, “mwamna” wa Israyeli, ka vathu va txona (Hos. 2:16-20). Vakhongeli vamwani vapfisisa to ngu gondiswa ka mhaka yi yi tsimbilelanako ni Kristu ni Dibanza (Mtu. 21:2,9). Ka mawonelo a vamwani dibhuku diya di gondisa kutshura ka lirando la wuthu.
Ndando ya tindando yi patilwe mu ka mabhuku o sawuleka a Bhiblia, nguko yi womba-womba ngu ta kubasa ni kusawuleka ka kutekana, kule ku nga emiswa ngu Txizimu. Lirando la ditshuri li ni kuthembeka, hambi li txi tshangana ni sikarato, ni siduko so tala.
Longoloko ya Timhaka
1. Txithopo txo khata (1:1--2:7)
2. Txithopo txa wumbidi (2:8--3:5)
3. Txithopo txa wuraru (3:6--5:1)
4. Txithopo txa wumune (5:2--6:3)
5. Txithopo txa wutxhanu (6:4--8:4)
6. Txithopo txa wutxhanu ni tximwetxo (8:5-14)
Currently Selected:
Ndando ya Tindando DIPSWI DO THANGA: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.