Ekleziyaste 11
11
Silayelo sa sinene
1Rinza dipawu dako txitimwi ka mati, nguko msana ka masiku amangi, u na di mana. 2Abanisela ngu makhalo a mtxhanu ni mambidi, mwendo mtxhanu ni mararu, nguko khu zivi dikhombo di di no humelela ha mafuni.
3Ngako marefu ma di ngadi tate ngu mati, ma na ma tshakunuta ha mafuni, ni kungako mndonga wu txi wela didhawa da wuphemba mwendo da wulambwe, ka wukhalo wule mndonga wu no wela kona, wu na zumba kona eho. 4Awu a wonetelako moya kha na mbi phaya, ni wule a wonetelako marefu kha na mbi funyela. 5Nga ha u si ziviko nzila ya moya, hambi ni ti ma wumbiswako tona marambu mndani ka wu a ku ni txirumbu, ngu toneto, khu yi zivi mithumo ya Txizimu, txi txi vangako sotshe somaha. 6Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.
7Ngu ditshuri, kuwonekela ka tshamba, kambe maso ma tsaka ngu kuwona ditambo. 8Ngako m'thu a txi hanya malembe o tala, se e tsaka mndani ka ona otshe, a na alakanye masiku a txidema, nguko ma nava amangi. Totshe ti ti humelelako mbukanganyisi.
Silayelo ka vavaphya
9Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula. 10Thavisa koko kukarateka ka mbilu yako, u hambana ni kuxaniseka ka nyamani kwako, nguko wanana, ni wujaha mbukanganyisi.
Currently Selected:
Ekleziyaste 11: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
