Popular Bible Verses from Ekleziyaste 11

Share

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Thavisa koko kukarateka ka mbilu yako, u hambana ni kuxaniseka ka nyamani kwako, nguko wanana, ni wujaha mbukanganyisi.

Awu a wonetelako moya kha na mbi phaya, ni wule a wonetelako marefu kha na mbi funyela.

Nga ha u si ziviko nzila ya moya, hambi ni ti ma wumbiswako tona marambu mndani ka wu a ku ni txirumbu, ngu toneto, khu yi zivi mithumo ya Txizimu, txi txi vangako sotshe somaha.

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Abanisela ngu makhalo a mtxhanu ni mambidi, mwendo mtxhanu ni mararu, nguko khu zivi dikhombo di di no humelela ha mafuni.