1 Makronika 5
5
Tiveleko ta ka Rubheni
1 # Wona ni ka: Gen. 35:22; 49:3-4. Ka vanana va Rubheni, matiwula a Israyeli (nguko ene i ti ti matiwula, kambe ngu mhaka ya kule a nga nyenyezisa m'bhedhu wa tate wakwe, va ningete wutiwula wakwe ka vanana va Josefa, mwanana wa Israyeli; kasi ku asi balwi ka liveleko la matiwula. 2#Wona ni ka: Gen. 49:8-10. Nguko Judha i ti ti wa hombe hagari ka vanawe, se ngu kwakwe, ku to huma mthangeli; kambe wutiwula i ti wa Josefa), 3ngu vava koko: Enoki, ni Palu, ni Hezironi, ni Karimi.
4Vanana va Joweli ngu vava: Semayi, awule mwanana wakwe i ku Goge, tate wa Simeyi, 5wule mwanana wakwe i ku Mika, tate wa Reyaya, wule mwanana wakwe i ku Bhahali, 6#Wona ni ka: 2 Vafu. 15:29. tate wa Bheyera, awule a nga tekwa eya mkorani ngu Tigilati-Pileseri, mfumeli wa Asiriya; awuwa i ti ti mthangeli wa va ka Rubheni.
7Ka vanawe ngu mimwaya yawe, mbimo yi va nga txhatxhametwa madingano ni tiveleko tawe, vathangeli vawe i ti ti vava: Jeyeli, ni Zakariya, 8ni Bhela, mwana Azazi, mwana Sema, mwana Joweli, va nga ti akile Aroweri, kala Nebho, ni Bhahali-Meyoni; 9va ti akile kambe ngu didhawa da wutxani, kala ka txike txa txiwulani, kukhukhela mnamboni ka Efrata, nguko sifuyo sawe si ti ti andile ngutu, ditikoni ka Gileyadhi.
10Se ka masiku a Sawule va to xoma yimbi ve yalwa ni va ka Hagari, vale va nga wa ngu dianza da va ka Rubheni; kambe vona va to zumba matendani kwawe, ngu masoni ka dotshe didhawa da wutxani ka Gileyadhi.
Tiveleko ta ka Gadhi
11Se vanana va Gadhi va ti ti akile ngu masoni kwawe, ditikoni ka Bhasani, kala ku ya hoka Salika. 12Joweli i ti ti mthangeli, Safani i ti wa wumbidi; kambe Janayi ni Safati va to zumba Bhasani. 13Se vanawe madingano ni tinyumba ta vatate vawe, ngu vava: Mikayeli, ni Mesulami, ni Sebha, ni Jorayi, ni Jakani, ni Ziya, ni Hebheri, votshe i ti mtxhanu ni vambidi; 14avava mbanana va Abhiyali, mwana Huri, mwana Jarowa, mwana Gileyadhi, mwana Mikayeli, mwana Jesisayi, mwana Jadho, mwana Bhuzi. 15Ayi mwanana wa Abhidhiyeli, mwana Guni, i ti mthangeli wa nyumba ya vatate vakwe. 16Se va ti akile Gileyadhi, ni Bhasani, ni ka makhalo awe, ni ka makhalo otshe o dyisela ka ona, kona Saroni, kala ka sike sa kona. 17Votshe vava va bhatwe madingano ni txhatxhameto yawe, ka masiku a Jothamu, mfumeli wa Judha, ni ka masiku a Jerobhowamu mfumeli wa Israyeli.
Mabutho a Tiyimbi ta tihunzu ta Wutxani
18Ka vanana va Rubheni ni va ka Vagadhi, ni ka hafu ya lihunzu la Manasi, vavamna va tindena, va nga ti ni sitxhangu ni matxhari, vo ziva kugwimba wulaho, vo txhariha ka kulwa, i ti 44.760, va nga ti sikota kuya yimbini. 19Se va to xoma yimbi va txi yalwa ni va ka Hagari, ni Vajeturi, ni Vanafisi, ni Vanodhabhi. 20Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona. 21Se va ka Israyeli va to handa sifuyo sa va ka Hagari: 50.000 wa makamelu awe, ni 250.000 wa tinvuta, ni 2.000 wa timbongola; ni 1.000 wa vathu. 22Va dayete votala, nguko kulwa i ti ti ka Txizimu; se va to aka ka makhalo awe, kala kuza ve yiswa wukhumbini.
Vathu va ka Manasi va Wutxani
23Se vanana va hafu ya lihunzu la ka Manasi, va to aka ka ditiko dile, kukhukhela Bhasani kala Bhahali-Hermoni, ni Seniri, ni ka mmango wa Hermoni; se vona va to anda. 24Se vathangeli va tinyumba ngu ka vatate vawe ngu vava: Heferi, ni Isi, ni Eliyeli, ni Aziriyeli, ni Jeremiya, ni Hodhavhiya, ni Jadhiyeli, vavamna va mtamo, vavamna va nduma, vathangeli va tinyumba ta vatate vawe. 25Kambe va to onhela Txizimu txa vatate vawe, ve londeta sizimu sa vathu va ditiko, asile Txizimu txi nga si hoxota masoni kwawe. 26#Wona ni ka: 2 Vafu. 15:19. Ngu kumaha keto, Txizimu txa Israyeli, txi to dhana moya wa Puli, mfumeli wa Asiriya, ni moya wa Tigilati-Pileseri, mfumeli wa Asiriya, ti to ve yisa wukhumbini va ka Rubheni, ni va ka Gadhi, ni hafu ya lihunzu la ka Manasi; se va to va yisa ka Hala, ni ka Habhori, ni ka Hara, ni ka mnambo wa Gazani, kala ka ditshiku da nyamsi.
Currently Selected:
1 Makronika 5: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
