1 Makronika 6
6
Tiveleko ta ka Levhi
1Vanana va Levhi ngu vava: Gerisoni, Kowati, ni Merari.
2Se vanana va Kohati i Amiramu, ni Isari, ni Hebroni, ni Uziyeli.
3Se vanana va Amiramu i Aroni, ni Mosi, ni Miriyamu; vanana va Aroni i Nadhabhi, ni Abhiyu, ni Eleyazari, ni Itamari.
4Eliyazari a to veleka Finiyasi, Finiyasi a to veleka Abhisuwa; 5Abhisuwa a to veleka Bhuki, Bhuki a to veleka Uzi; 6Uzi a to veleka Zeraya, Zeraya a to veleka Merayoti; 7Merayoti a to veleka Amariya, Amariya a to veleka Ayitubhe; 8Ayitubhe a to veleka Zadhoki, Zadhoki a to veleka Ayimahasi; 9Ayimahasi a to veleka Azariya, se Azariya a to veleka Jowanani; 10Jowanani a to veleka Azariya; awuwa ngene a nga maha mthumo wa wuphaxeli ka nyumba yile Solomoni a nga ti akile kona Jerusalema. 11Azariya a to veleka Amariya, Amariya a to veleka Ayitubhe; 12Ayitubhe a to veleka Zadhoki, Zadhoki a to veleka Salumi; 13Salumi a to veleka Hilikiya, Hilikiya a to veleka Azariya; 14Azariya a to veleka Seraya, Seraya a to veleka Jeyozadhaki; 15Jeyozadhaki a to yiswa wukhumbini, mbimo yile Mkoma a nga teka Judha ni Jerusalema, ngu dianza da Nebhukadhonozori.
Timwani tiveleko ta ka Levhi
16Vanana va Levhi ngu vava: Gerisoni, Kohati, ni Merari. 17Se matina a vanana va Gerisoni ngu awa: Libhini ni Simeyi. 18Se vanana va Kohati ngu vava: Amiramu, ni Isari, ni Hebroni, ni Uziyeli. 19#Wona ni ka: Eks. 6:16-19. Vanana va Merari ngu vava: Mali, ni Musi; ayiya mimwaya ya Valevhi, madingano ni tinyumba ta vatate vawe.
20Va ka Gerisoni ngu vava: Libhini, mwanawe, Jahati mwanakwe, Zima, mwanakwe, 21Jowa, mwanakwe, Idho, mwanakwe, Zera, mwanakwe, Jeyaterayi, mwanakwe.
22Vanana va Kohati ngu vava: Aminadhabhe, mwanakwe, Kora, mwanakwe, Asiri, mwanakwe, 23Elikana, mwanakwe, Ebhiyasafi, mwanakwe, Asiri, mwanakwe, 24Tahate, mwanakwe, Uriyeli, mwanakwe, Uziya, mwanakwe, ni Sawule, mwanakwe.
25Se vanana va Elikana i Amasayi, ni Ayimoti. 26Ngu ka Elikana, vanana va Elikana ngu vava: Zofayi, mwanakwe, ni mwanana wakwe Nahati, 27mwanana wakwe Eliyabhe, mwana Eliyabhe i Jerowamu, mwana Jerowamu i Elikana.
28Se vanana va Samuwele i Vhasini, matiwula akwe, se wa wumbidi i Abhiya.
29Vanana va Merari i Mali, mwanana wa Mali i Libhini, mwanana wa Libhini i Simeyi, mwanana wa Simeyi i Uza, 30mwanana wa Uza i Simeya, mwanana wa Simeya i Hagiya, mwanana wa Hagiya i Asaya.
Valevhi vale i ku vaembeleli
31Avava koko, ngu vale Dhavhidha a nga va veka, ka mthumo wa wuembeleli Nyumbani ka Mkoma, msana ka kuva dibhokiso di di mani kuhumula. 32Se va ti embelela masoni ka ditenda da msengeletano, kala kuza Solomoni a txi aka Nyumba ya Mkoma kona Jerusalema; va to maha mthumo wawe, madingano ni sihena sawe. 33Avava koko, ngu va va nga ti ti kumweko ni vanana vawe; ka vanana va ka Kohati, Hemani, muembeleli, mwana Joweli, mwana Samuwele, 34mwana Elikana, mwana Jerowami, mwana Eliyeli, mwana Towa, 35mwana Zufe, mwana Elikana, mwana Mahate, mwana Amasayi, 36mwana Elikana, mwana Joweli, mwana Azariya, mwana Zefaniya, 37mwana Tahate, mwana Asiri, mwana Ebhiyasafi, mwana Kora, 38mwana Isari, mwana Kohati, mwana Levhi, mwana Israyeli.
39Se Asafe mwanawe a ti ti ngu didhawa da txinene; Asafe i ti mwana Bherekiya, mwana Simeya, 40mwana Mikayeli, mwana Bhahaseya, mwana Malikiya, 41mwana Etini, mwana Zera, mwana Adhaya, 42mwana Etani, mwana Zima, mwana Simeyi, 43mwana Jahati, mwana Gerisoni, mwana Levhi.
44Se vanawe, vanana va Merari, va ti ti emile ngu didhawa da txibhabha, i ku vava: Etani, mwana Kisi, mwana Abhidhi, mwana Maluke, 45mwana Hasabhiya, mwana Amaziya, mwana Hilikiya, 46mwana Anizi, mwana Bhani, mwana Semeri, 47mwana Mali, mwana Musi, mwana Merari, mwana Levhi. 48Se vanawe, va ka Levhi va ti vekilwe amu ka mithumo yotshe ya Nyumbani ka Txizimu.
Tiveleko ta ka Aroni
49Se Aroni ni vanana vakwe, va ti ti hisa mafura o bhumula txitimwi ka txiluvelo txa miningelo ya kuhiswa, ni txitimwi ka txiluvelo txa dibaselo, ka wotshe mthumo wa wukhalo wo Sawuleka ngutu, kasi ku basisa va ka Israyeli, madingano ni totshe ti Mosi, txithumi txa Txizimu, a nga ti leletete.
50Se vanana va Aroni ngu vava: Mwanana wakwe i Eleyazari, mwana Eleyazari i Finiyasi, mwana Finiyasi i Abhisuwa, 51mwana Abhisuwa i Bhuki, mwana Bhuki i Uzi, mwana Uzi i Seraya, 52mwana Seraya i Merayoti, mwana Merayoti i Amariya, mwana Amariya i Ayitubhe, 53mwana Ayithube i Zadhoki, mwana Zadhoki i Ayimahasi.
Madhoropa a va ka Levhi
54Se atiya ngu tona tinyumba tawe, madingano ni makhalo awe, ni mihingano ya kona: Vanana va Aroni, va mwaya va ka Kohati, nguko xolo ni wite kwawe, 55va to ningwa Hebroni, ditikoni ka Judha, ni sidhoropana sa kona, si si di ranganyetako. 56Kambe ditiko da didhoropa ni mikhokhola ya kona va ningile Kalebhi, mwana Jefoni. 57Se vanana va Aroni va to ningwa madhoropa a wuthavelo: Hebroni ni Libhina, ni tibala ta kona, Jatiri ni Estemowa ni tibala ta kona, 58Hilemi ni tibala ta kona, Dhebhiri ni tibala ta kona, 59Asani ni tibala ta kona, ni Bheti-Semesi ni tibala ta kona; 60se ka lihunzu la ka Bhenjamini, Gebha ni tibala ta kona, Alemeti ni tibala ta kona, ni Anatote ni tibala ta kona; otshe madhoropa awe, madingano ni mimwaya yawe, i ti ti digumi da madhoropa ni mararu. 61Aniko vanana va Kohati, vale va nga sala ka mwaya wa lihunzu, ka hafu ya lihunzu, hafu ya ka Manasi, ngu dikato va to mana digumi da madhoropa.
62Se vanana va Gerisoni, madingano ni mimwaya yawe, va lihunzu la Isakari, ni va lihunzu la Aseri, ni va lihunzu la Naftali, ni va lihunzu la Manasi, va to mana digumi da madhoropa ni mararu, kona Bhasani. 63Vanana va Merari, madingano ni mimwaya yawe, ka lihunzu la ka Rubheni, ni ka lihunzu la ka Gadhi, ni ka lihunzu la ka Zebhuloni, ngu dikato, va mani digumi da madhoropa ni mambidi. 64Ngu kumaha keto, vanana va ka Israyeli va to ninga va ka Levhi, madhoropa awa ni tibala ta kona. 65Se va to va ninga ngu kuwomba ka tixolo, madhoropa ale ma nga wombwa ngu matina, amu ka lihunzu la vanana va ka Judha, ka lihunzu la vanana va Simiyoni, ni ka lihunzu la vanana va ka Bhenjamini.
66Se ka yimwani mimwaya ya vanana va Kohati, madhoropa a mihinganoni kwawe ma ningetwe ka lihunzu la ka Efrayime. 67Nguko va ningilwe madhoropa a wuthavelo, Sikemi, ni tibala ta kona, mimangoni ka Efrayime, kumweko ni Gezeri ni tibala ta kona, 68Jokimeyamu ni tibala ta kona, ni Bheti-Horoni ni tibala ta kona, 69Ayijaloni ni tibala ta kona, ni Gati-Rimoni ni tibala ta kona; 70se ka hafu ya lihunzu la ka Manasi, Aneri ni tibala ta kona, ni Bhileyami, ni tibala ta kona; madhoropa awa ma ningetwe ka vale va nga sala ka mwaya wa vanana va Kohati.
71Vanana va Gerisoni, ka mwaya wa hafu ya lihunzu la ka Manasi, va ningilwe Golami ni tibala ta kona, kona Bhasani, ni Axitaroti ni tibala ta kona; 72se ka lihunzu la ka Isakari, Kedhesi ni tibala ta kona, Dhabherati ni tibala ta kona, 73ni Ramoti ni tibala ta kona, ni Anemi ni tibala ta kona;
74se ka lihunzu la ka Aseri, Masali ni tibala ta kona, ni Abhidhoni ni tibala ta kona, 75ni Hukoki ni tibala ta kona, ni Reyobhe ni tibala ta kona;
76se ka lihunzu la ka Naftali, Kedhesi, kona Galileya, ni tibala ta kona, Hamoni ni tibala ta kona, ni Kiriyatayimi ni tibala ta kona.
77Avale va nga sala ka vanana va Merari, va lihunzu la ka Zebhuloni, va ningilwe Rimoni ni tibala ta kona, Tabhori ni tibala ta kona; 78ni mtxhatuko ka Jordhani, ngu didhawa da Jeriko, wutxani ka Jordhani, ka lihunzu la ka Rubheni, ni ka Bhezeri, txiwulani, ni tibalani ka kona, ni Jaza ni tibala ta kona, 79ni Kedhemoti ni tibala ta kona, ni Mefahati ni tibala ta kona; 80ka lihunzu la ka Gadhi, Ramoti, kona Gileyadhi ni tibala ta kona, ni Mahanayime ni tibala ta kona, 81ni Hesibhoni ni tibala ta kona, Jazeri ni tibala ta kona.
Currently Selected:
1 Makronika 6: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
