1 Makronika 3
3
Vanana va mfumeli Dhavhidha
(2 Samuwele 3:2-5)
1Se vanana va Dhavhidha, vale va nga velekwa Hebroni ngu vava: Matiwula i Aminoni, wa Ayinowame, Mujezireyeli; wa wumbidi i Dhaniyeli, wa Abhigayeli, mkarmeli; 2wa wuraru i Abhisalome, mwana Mahaka, wa mwana Talimayi, mfumeli wa Gesuri; wa wumune i Adhoniya, mwana Hagite; 3wa wutxhanu i Sefatiya, wa Abhitali; wa wutxhanu ni mmweyo i Itreyamu, wa Egila, msikati wa Dhavhidha. 4#Wona ni ka: 2 Sam. 5:4-5; 1 Vafu. 2:11; 1 Mak. 29:27. Mtxhanu wa vanana ni mmweyo va veleketwe Hebroni, nguko koneyo a fumile mtxhanu wa malembe ni mambidi, ni mtxhanu wa mitxima ni wumwewo; a to fuma magumi mararu a malembe kona Jerusalema. 5Se ava va nga velekelwa Jerusalema ngu vava: Simeya, ni Sobhabhi, ni Nathani, ni Solomoni; avava va mune va velekilwe ngu Bhati-Suwa, dihorana da Amiyeli. 6Va to m'velekela kambe Ibhari, ni Elisuwa, ni Elifeleti, 7ni Noga, ni Nefegi, ni Jafiya, 8ni Elisama, ni Eliyadha, ni Elifeleti; votshe mtxhanu ni mune. 9Votshe vava mbanana va Dhavhidha, hahanze ka vanana va vasikati vakwe va vavadotho; ni Tamara ndiyawe.
Tiveleko ta mfumeli Solomoni
10Se mwanana wa Solomoni i Robhowamu; mwanana wakwe i Abhiya; mwana Abhiya i Asa; mwana Asa i Josafati; 11mwana Josafati i Jeyoramu, mwana Jeyoramu i Akaziya, mwana Akaziya i Jowasi; 12mwana Jowasi i Amaziya, mwana Amaziya i Jothamu; 13mwana Jothamu i Akazi; mwana Akazi i Ezekhiya; mwana Ezekhiya i Manasi; 14mwana Manasi i Amoni, mwana Amoni i Josiya.
15Vanana va Josiya ngu vava: Matiwula i Jowanani, wa wumbidi i Jeyowakimi, wa wuraru i Zedhekiya; wa wumune i Salumi. 16Se vanana va Jeyowakimi ngu vava: Jekoniya, ni Zedhekiya.
Tiveleko ta mfumeli Jowakimi
17Se vanana va Jekoniya ngu vava: Asiri ni mwanakwe Seyalitiyeli. 18Vanana va wuwa ngu vava: Malikiramu, ni Pedhaya, ni Senazari, ni Jekamiya, Hosama, ni Nedhabhiya. 19Se vanana va Pedhaya i Zorobhabheli, ni Simeyi; se vanana va Zorobhabheli i Mesulami, ni Hananiya, ni Selomite, ndiyawe, 20ni Hasubha, ni Oyeli, ni Bherekiya, ni Hasadhiya, ni Jusabhi-Hesedhi, votshe mtxhanu.
21Se vanana va Hananiya i Peletiya ni Jesaya; vanana va Refaya, vanana va Arnani, vanana va Obhadhiya, ni vanana va Sekaniya. 22Se mwanana wa Sekaniya i Semaya; kambe vanana va Semaya ngu vava: Hatusi, ni Igali, ni Bhariya, ni Neyariya, ni Safati, votshe mtxhanu ni mmweyo. 23Se vanana va Neyariya i Eliyoyenayi, ni Ezekhiya, ni Azirikami, votshe mbararu. 24Se vanana va Eliyoyenayi i Hodhavhiya, ni Eliyasibhe, ni Pelaya, ni Akubhe, ni Jowana, ni Dhelaya, ni Anani, votshe mtxhanu ni vambidi.
Currently Selected:
1 Makronika 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
