1 Makronika 2
2
Tiveleko ta Judha
1Vanana va ka Israyeli ngu vava: Rubheni, Simiyoni, Levhi, Judha, Isakari, Zebhuloni, 2Dhani, Josefa, Bhenjamini, Naftali, Gadhi, ni Aseri.
3Vanana va Judha ngu vava: Eri, ni Onani, ni Sela; ava va vararu va velekilwe ngu mwanana wa dihorana da Suwa, da mkanana; se Eri matiwula a Judha, a ti bihile masoni ka Mkoma; ngu kumaha keto, Mkoma a to m'daya. 4Aniko Tamara mamanyani wakwe, a to m'velekela Perezi ni Zera; votshe vanana va Judha, mtxhanu wa vona.
5Vanana va Perezi ngu vava: Hezironi ni Hamuli. 6Se vanana va Zera ngu vava: Ziniri, ni Etani, ni Hemani, ni Kalikoli, ni Dhara; votshe mtxhanu. 7#Wona ni ka: Jox. 7:1. Se vanana va Karimi ngu vava: Akari, m'vhinganyiseli wa Israyeli, a nga onha ngu kuruketela.
8Se mwanana wa Etani i Azariya. 9Se vanana va va nga velekwa ngu Hezironi i Jerameyeli, ni Ramu, ni Kelubhayi.
10Se Ramu a to veleka Aminadhabhe, Aminadhabhe a to veleka Nahasoni, mthangeli wa vanana va ka Judha. 11Se Nahasoni a to veleka Salima, Salima a to veleka Bhowazi; 12se Bhowazi a to veleka Obhedhi, se Obhedhi a to veleka Jese; 13se Jese a to veleka Eliyabhe, matiwula akwe, ni Abhinadhabhi wa wumbidi, ni Simeya wa wuraru, 14ni Nathaniyele wa wumune, ni Radhayi wa wutxhanu, 15wa wutxhanu ni mmweyo i Ozemi, se ni Dhavhidha wa wutxhanu ni vambidi. 16Se tindiya tawe i Zeruiya, ni Abhigayeli; se vanana va Zeruiya ngu vava: Abhixayi, ni Jowabhi, ni Asayeli; votshe mbararu. 17Se Abhigayeli a to veleka Amasa; kambe tate wa Amasa i Jeteri, Muismayeli.
Tiveleko ta Hezironi
18Se Kalebhi, mwana Hezironi, ni Azubha, msikati wakwe, va to veleka Jeriyoti; se vanana Jeriyoti ngu vava: Jeseri, ni Sobhabhi, ni Ardhoni. 19Se Azubha a to fa, Kalebhi e ti tekela muefrata, awule a nga veleka Huri. 20Se Huri a to veleka Uri, se Uri a to veleka Bhezaleli.
21Sekoko Hezironi a to wulela ka mwana Makiri, tate wa Gileyadhi; kambe a to mteka i di wa tanga ya mtxhanu wa magumi ni digumi dimwedo a malembe; aniko ene a to veleka Segubhi. 22Se Segubhi a to veleka Jayiri; awuwa a ti ni magumi mambidi a madhoropa ni mararu, ditikoni ka Gileyadhi. 23Se Gesuri ni Arame va to va honyola mikhokhola ya Jayiri ni Kenati, ni makhalo a kona, i ku awa: Mtxhanu wa magumi ni digumi dimwedo a madhoropa, votshe vava mbanana va Makiri, tate wa Gileyadhi. 24Se msana ka kufa ka Hezironi, kona Kalebhi wa Efrata, Abhiya, msikati wa Hezironi, a to m'velekela Azuri, tate wa Tekowa.
Tiveleko ta ka Jerameyeli
25Se vanana va Jerameyeli, matiwula a Hezironi, ngu vava: Ramu matiwula, ni Bhuna, ni Oreni, ni Ozemi, ni Ayiya. 26Se Jerameyeli a to teka mmwani msikati, wule ditina dakwe i nga ti Atara; awuwa i mame wa Onani. 27Se vanana va Ramu, matiwula a Jerameyeli, ngu vava: Mahazi, ni Jamini, ni Ekeri. 28Se vanana va Onani ngu vava: Samayi, ni Jadha; vanana va Samayi ngu vava: Nadhabhi ni Abhisuri. 29Se ditina da msikati wa Abhisuri i ti ti Abhiyayeli, a nga m'velekela Abhani, ni Molidhi. 30Se vanana va Nadhabhi i Seledhi, ni Apayimi; kambe Seledhi a fite asi ngani vanana. 31Se mwanana wa Apayimi i Ixi, mwanana wa Ixi i Sesani. Se mwanana wa Sesani, i Alayi.
32Se vanana va Jadha mwanawe wa Samayi, ngu vava: Jeteri, ni Jonatani; kambe Jeteri a to fa asi ngani vanana. 33Se vanana va Jonatani, i Peleti, ni Zaza; avava mbanana va Jerameyeli.
34Se Sesani asi nga ni vanana va majaha, aniko a ti ni vanana vamahorana; se Sesani a ti ni txithumi txa Muegipta, txile ditina da txona i nga ti Jara. 35Sesani koko a to ningela mwanana wakwe wa dihorana ka txithumi txakwe Jara, kuva msikati wakwe, se a to m'velekela Atayi. 36Se Atayi a to veleka Nathani, se Nathani a to veleka Zabhadhi. 37Zabhadhi a to veleka Efilali, se Efilali a to veleka Obhedhi. 38Se Obhedhi a to veleka Jewu, se Jewu a to veleka Azariya. 39Se Azariya a to veleka Helesi, se Helesi a to veleka Eleyasa. 40Se Eleyasa a to veleka Sisimayi, Sisimayi a to veleka Salumi. 41Salumi a to veleka Jekamiya, se Jekamiya a to veleka Elisama.
Timwani tiveleko ta ka Kalebhi
42Se mwanana wa Kalebhi, mwanawe wa Jerameyeli i Mesa, matiwula akwe, (awu i ku tate wa Zifi), se Maresa i tate wa Hebroni. 43Se vanana va Hebroni ngu vava: Kore, ni Tapuwa, ni Rekemi ni Sema. 44Se Sema a to veleka Rahamu, tate wa Jorkeyamu; se Rekemi a to veleka Samayi. 45Se mwanana wa Samayi i Mawoni; Mawoni i tate wa Bheti-Zuri.
46Se Efa, msikati wam'dotho wa Kalebhi, a to veleka Harani, ni Mosa, ni Gazezi; se Harani a to veleka Gazezi.
47Se vanana va Jodhayi ngu vava: Regemi, ni Jothamu, ni Gesani, ni Peleti, ni Efa, ni Sahafi.
48Ka Mahaka, msikati wakwe wam'dotho, Kalebhi a to veleka Sebheri ni Tirana. 49Se msikati wa Sahafi, tate wa Madhimana, a to veleka Sevha, tate wa Makibhena, tate wa Gibheya; mwanana wa dihorana wa Kalebhi, i Akisa.
50Vanana va Kalebhi, mwana Huri, matiwula a Efrata ngu vava: Sobhali, tate wa Kiriyate-Jeyarimi, 51ni Salima tate wa Vabhetlehema, ni Harefi, tate wa Bheti-Gadheri. 52Se vanana va Sobhali, tate wa Kiriyate-Jeyarimi, ngu vava: Harowe, ni hafu ya va ka Menoni. 53Se mimwaya ya Kiriyate-Jeyarimi, mba ka Itrita, ni va ka Pute, ni va ka Sumati, ni va ka Misirayi; ngu ka vava ku to huma Vazorati, ni va ka Estawoli.
54Vanana va Salima ngu vava: Bhetlehema, ni va ka Netofati, ni Atrothi-Bheti-Jowabhi, ni hafu ya Vamanati, ni Vazori.
55Se mimwaya ya vabhali vale va nga ti akile Jabhesi, i ti Vatirati, ni Vasimeyati, ni Vasukati; avava mbakeni vale va nga velekwa ngu Hamati, tate wa nyumba ya Rekabhi.
Currently Selected:
1 Makronika 2: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
