1 Makronika 20
20
Dhavhidha e teka didhoropa da Rabha
(2 Samuwele 12:26-31)
1 # Wona ni ka: 2 Sam. 11:1. Se ku to maheka taku, ku di pindile dilembe dimwedo, ka mbimo yile vafumeli va nga ti tolovela kuhuma veya kulwani, Jowabhi a to teka dibutho da yimbi, eya xasela ditiko da vanana va ka Amoni, se va to ta randela Rabha; kambe Dhavhidha a to sala kona Jerusalema; se Jowabhi a to xasela Rabha e mkhundumusa. 2Se Dhavhidha a to thavisa m'bhoti ha msungo ka mfumeli wa kona, wule kunemela ka wona i nga ti ti ka talenta yimweyo ya nzalama, ka wona ku ti ti ni marigwi a lisima; kambe wu to sanzekwa ha msungo ka Dhavhidha; se a to handa simaha so tala ngutu didhoropani. 3Kambe vathu vale va nga ti ti ka dona, a to va teka e va veka ka mthumo wa masaho, ni ka mithumo ya misuka, ni ka matxhapu; se Dhavhidha a to mahisa toneto ka otshe madhoropa a vanana va ka Amoni; sekoko Dhavhidha ni votshe vathu, va to tshumela ve wuya Jerusalema. 4Se msana keto, ku to maheka taku, kuwuka yimbi yo kulwa ni Vafilista kona Gezeri, sekoko Sibhekayi, m'husati, a to daya Sipayi, wa vanana va Rafa; se Vafilista va to khoziswa. 5#Wona ni ka: 1 Sam. 17:4-7. Se ku to maneka yimbi yimwani ya Vafilista; Elana, mwana Jayiri, a to daya Lami, mwanawe wa Goliya, mugeti, wule tshoka ya mseve wakwe yi nga ti ti fana ni mtanda wa mluki.
6Se ku to maneka yimwani yimbi kona Gati; koneyo ku ti ni wamwamna wa txiemo txa hombe, wa magumi mambidi a titiho ni mune, mtxhanu wa titiho ni limwelo ngu ka dianza dimwedo ni dimwani; ni mtxhanu wa titiho ni limwelo ka mkondo wumwewo ni wumwani, kambe i ti ti wa lixaka la ka Rafa. 7Se a to ruketela va ka Israyeli; kambe Jonatani, mwana Simeya, mwanawe wa Dhavhidha, a to m'daya. 8Avava, va velekilwe ngu Rafa, kona Gati; se va to dawa ngu dianza da Dhavhidha, ni manza a sithumi sakwe.
Currently Selected:
1 Makronika 20: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
