HOSEA 3

Hoséa sibawa bainéna iya dé'é namatinulu

1Makkedai Puwangnge lao ri iyya, “Laosiko sibawa mupojiwi séddié makkunrai iya pojiyéngngi malaweng. Pojiwi pada-padato Iyya pojiwi tau Israélié namuni mennang nasalai-Ka sibawa massompa déwata-déwata laing enrengngé napoji makkasuwiyangeng béppa kismis lao ri barahalaé.”#Makkasuwiyangeng béppa kismis lao ri barahalaé: Buwa anggoro iya puraé rirakkoi ripakéi untu' makkasuwiyangeng akkarobangeng lao ri déwata acommokengngé iya manuru'é ateppereng naullé paénré'i wassélé éngngalanna tau iya sompaéngngi.

2Nauwajani seppulo lima dowi sibawa 150 kilo gandong#gandong: Iya riyakkattaiyé kuwaé iyanaritu gandong iya lebbi mariyawaé angke'na. untu' lolongengngi iyaro makkunraié. 3Makkedaka lao ri aléna makkedaé harusu'i natajekka untu' wettu iya maittaé. Ri lalenna wettuéro dé' nawedding maccakkuribang iyaré'ga malaweng, na iyya dé'to uwaddeppériwi matu. 4Makkuwaniro gau'na sibawa bangsa Israélié; maitta senna mennang harusu tuwo dé' arunna iyaré'ga pamimpinna, dé' akkarobangeng iyaré'ga tugu-tugu makarame, dé' barahala-barahala iyaré'ga sima'-sima' iya mappaissengengngéngngi rahasiyana wettu mangoloé. 5Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

Currently Selected:

HOSEA 3: LAIBUG

Highlight

Copy