Popular Bible Verses from HOSEA 3

Share

Makkedai PUWANGNGE lao ri iyya, “Laosiko sibawa mupojiwi séddié makkunrai iya pojiyéngngi malaweng. Pojiwi pada-padato Iyya pojiwi tau Israélié namuni mennang nasalai-Ka sibawa massompa déwata-déwata laing enrengngé napoji makkasuwiyangeng béppa kismis lao ri barahalaé.”

Iyakiya poléi matu wettunna lisui bangsa Israélié lao ri PUWANG Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri PUWANGNGE, enrengngé tarimai sining barakka'-Na.