4 Musa 34
34
Perbalengen nagerri i
1Iberèken Jahowa mo taba si Musa 2perèntah-perèntah ènda lako bai bangsa Israel, “Sinempas nai ibengketti kènè mo nagerri Kanaan, nagerri siKuberèken bai ndènè gabè tanoh pusakka. Enda mo perbalengen nagerri ndènè i. 3Kan Selatan, baleng i mulai mo i padang gurun Zin nai mengèkut-ngèkut Edom. Baleng kan kebincaren mulai mo i kan punca Selatan Laut Matè nai, 4memèngkol mi Selatan menuju dalan Akrabim janah terrus mi Zin soh mi Kades-Barnea i Selatan. I sidi nai meluk mi Barat Laut soh mi Hazar-Adar, janah terrus mi Azmon. 5I sidi nai memutar mi napa i perbalengen Mesir janah merpunca i Laut Tengah.
6Laut Tengah mo gabè baleng nagerri ndènè kettan kesunduten.
7I Utara, mulai mo baleng idi i Laut Tengah nai menuju mi Delleng Hor 8janah i sidi nai mi dalan Hamat, nai terrus mi Zedad, 9dekket mi Zifron janah merpunca i Hazar-Enan.
10Kan kebincaren, mulai mo perbalengen idi i Hazar-Enan nai mi Sefam. 11I sidi nai mengencuah mi Ribla kan kebincaren Ain, nai terrus mo mi uruk-uruk kan kebincaren biding tao Galilea, 12nai mi Selatan mengèkut-ngèkut arur laè Jordan sondel mi laut matè.
Idi mo nagerri ndènè mengèkutken perbalengen i sikulilingna.”
13 #
4 Ms. 26:52-56
Nina si Musa mo taba bangsa Israel, “Idi mo tanoh sinaing jaloen ndènè merkitè mersijemput sinisurat, tanoh siniperèntah Jahowa kennah ipellaken bai sibah sitengah marga bang- sa Israel.#Jos. 14:1-5 14Marga Ruben dekket marga Gad dekket dèba ipas marga Manasye nai enggo menjalo bagianna, janah tanoh idi pè enggo mo ipellaken bai kalak i merhorong-horong.
15Tanoh pusakka kalak i imo kan kebincaren Laè Jordan, njolmit mi kuta Jeriko.”
Pengulu-pengulu simemellaken tanoh i
16Nina Jahowa mo taba si Musa, 17“Kennah Imam Eleazar dekket si Josua anak si Nun ngo memellaken tanoh i i tengah-tengah ndènè nai. 18Pebangkit ma mo sada kalak pengulu i gennep marga nai lako mengurupi si Eleazar dekket si Josua memellaken tanoh idi.” 19-28Gerar-gerar kalak idi imo:
| Marga | Simenguluken |
|---|---|
| Juda | Si Kaleb anak si Jefune |
| Simeon | Si Samuel anak si Amihud |
| Benjamin | Si Elidad anak si Kislon |
| Dan | Si Buki anak si Jogli |
| Manasye | Si Haniel anak si Efod |
| Efraim | Si Kemuel anak si Siftan |
| Zebulon | Si Elisafan anak si Parnah |
| Isasar | Si Paltiel anak si Azan |
| Asyer | Si Ahihud anak si Selomi |
| Naftali | Si Pedael anak si Amihud |
29Idi mo kalakna idokken Jahowa lako kipellaken tanoh pusakka i bai bangsa Israel i nagerri Kanaan.
Currently Selected:
4 Musa 34: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
