4 Musa 13
13
Sipuluh dua kalak Perkakap
(5 Ms. 1:19-33)
1Nai nina Jahowa mo taba si Musa, 2“Pasulak mo tersada kalak pungkuh-pungkuhna i gennep marga Israel nai lako merkakap tanoh Kanaan sinaing Kuberèken bai kalak Israel.” 3-15Rembang mi perèntah Dèbata idi, ipasulak si Musa mo kalak i gurun pasir Paran nai. Karinana ngo kalak idi pungkuh-pungkuh i tengah-tengah kalak Israel nai:
| Marga | Simenguluken |
|---|---|
| Ruben | Si Syamua anak si Zakur |
| Simeon | Si Safat anak si Hori |
| Juda | Si Kaleb anak si Jefune |
| Isasar | Si Jigal anak si Josep |
| Efraim | Si Hosea anak si Nun |
| Benjamin | Si Palti anak si Rapu |
| Zebulon | Si Gadiel anak si Sodi |
| Manasye | Si Gadi anak si Susi |
| Dan | Si Amiel anak si Gemali |
| Asyer | Si Setur anak si Mikhael |
| Naptali | Si Nahbi anak si Wofsi |
| Gad | Si Guel anak si Makhi |
16Idi mo perkakap sinipasulak si Musa lako mengintèken nagerri idi. Si Hosea anak si Nun igancih si Musa gerarna gabè si Josua.
17Sinderrang ipasulak si Musa kalak idi berkat, itennahken mo bai kalak i, “Merdalan mo kènè dempak utara, menuju kan Selatan tanoh Kanaan, nai terrus mi bekkas simeruruk-uruk. 18Inteken kènè mo barang bakunè nagerri idi, tah mbuè pengisina barang cituk, tah mergegoh ngo kalak i barang ndotè. 19Perèso kènè mo tah merandal ma nagerri idi barang tah oda, janah tah merian i kuta-kuta siso merparik ngo pengisina i barang ibas kuta mbelgah simerparik. 20Pepihir kènè mo ukur ndènè. Tengen kènè tah nggabur tanohna janah mbuè kayuna. Ulang kènè lupa merembah situk buah silot i sidi.” Tupung tubenna mosin anggur ngo tikanna i.
21Nai laus mo kalak i dempak Utara janah mendatèken nagerri i mulai i padang gurun Zin i Selatan nai mi Utara soh mi kuta. 22Mula-mula laus mo kalak i mi kan Selatan nagerri i janah sakat mo mi kuta Hebron sini-ianen kalak Ahiman, kalak Sesai dekket kalak Talmai, pinempar si Enak. Kuta Hebron ipajek pitu tahun sinderrang mak dèng kuta Zoan i Mesir. 23Nai sakat mo kalak i mi lembeng Eskol, i sidi ipastik kalak idi mo sindahan buah anggur mbotong kalohon, sanga kennah iosong dua kalak ibas sada kayu. Iembah kalak idi ma mo dèba buah ndalima dekket buah kayu ara. 24Igerari mo bekkas i Lembeng Eskol kumarnaken ranting anggur sinipastik kalak Israel i sidi.
25Enggo kessa iperdimata kalak i nagerri idi empatpuluh ari dekkahna, balik mono perkakap idi, 26janah ibagahken mo bai si Musa, si Aron dekket karina bangsa Israel situpung mertumpu i Kades, i padang gurun Paran. Isukutken kalak i mo kadè sienggo idah kalak i dekket ipacidah mo buah siniembah kalak idi. 27Nina kalak idi mo taba si Musa, “Enggo mo kuperèso kami nagerri idi janah enggo kuidah kami kaya ngo tanohna janah nggabur, janah ènda mo situk buah-buahen kuembah kami i sidi nai. 28Tapi kalak mergegoh ngo pengisi nagerri i. Mbelgah-mbelgah ngo kuta kalak i janah merparik. Janah dèng ma, kuidah kami ngo jelma pinempar ntuara i sidi. 29Kalak Amalek simerian kettan Selatan nagerri i, kalak Het, Jebus, dekket kalak Amori merian i bekkas kan simerurukna; nai ukum kalak Kanaan mengiani suak arur biding laut dekket i arur mengèkut-ngèkut laè Jordan ngo.”
30Tapi ipepos si Kaleb mo ukur kalak sikekelsohen taba si Musa. Nina si Kaleb mo, “Kennah sijuhap ngo nagerri i janah sitaban bagèndari, kerna cukup ngo gegohta lako menaluken kalak idi.”
31Tapi nina kalak sirebbakken balik dekket si Kaleb idi mo, “Oda tupèh, oda tellap kita lako menjuhap kalak idi. Mergegohen ngo pengisi nagerri idi daripada kita.” 32Nai ipesar kalak idi mo berita luap bai kalak Israel tersèngèt nagerri sienggo ikakapi kalak idi. Nina kalak idi mo, “Mermara kalohon ngo nagerri i, bang meradepken jelma pengisina pè. Kalak sikuidah kami nisidi pè mbelgah kalohon ngo dagingna. 33#1 Ms. 6:4 Kuidah kami kalakna bagè ntuara, imo pinempar kalak Enak. Ukum kami dosken balang nai ngo mertimbangken kalak idi, janah pasti bagidi ma ngo iakap kalak i mengidah kami.”
Currently Selected:
4 Musa 13: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
