Popular Bible Verses from 4 Musa 13

Share

Tapi ipepos si Kaleb mo ukur kalak sikekelsohen taba si Musa. Nina si Kaleb mo, “Kennah sijuhap ngo nagerri i janah sitaban bagèndari, kerna cukup ngo gegohta lako menaluken kalak idi.”

Kuidah kami kalakna bagè ntuara, imo pinempar kalak Enak. Ukum kami dosken balang nai ngo mertimbangken kalak idi, janah pasti bagidi ma ngo iakap kalak i mengidah kami.”

Tapi nina kalak sirebbakken balik dekket si Kaleb idi mo, “Oda tupèh, oda tellap kita lako menjuhap kalak idi. Mergegohen ngo pengisi nagerri idi daripada kita.”

Nai ipesar kalak idi mo berita luap bai kalak Israel tersèngèt nagerri sienggo ikakapi kalak idi. Nina kalak idi mo, “Mermara kalohon ngo nagerri i, bang meradepken jelma pengisina pè. Kalak sikuidah kami nisidi pè mbelgah kalohon ngo dagingna.

Nina kalak idi mo taba si Musa, “Enggo mo kuperèso kami nagerri idi janah enggo kuidah kami kaya ngo tanohna janah nggabur, janah ènda mo situk buah-buahen kuembah kami i sidi nai.

Tapi kalak mergegoh ngo pengisi nagerri i. Mbelgah-mbelgah ngo kuta kalak i janah merparik. Janah dèng ma, kuidah kami ngo jelma pinempar ntuara i sidi.

Kalak Amalek simerian kettan Selatan nagerri i, kalak Het, Jebus, dekket kalak Amori merian i bekkas kan simerurukna; nai ukum kalak Kanaan mengiani suak arur biding laut dekket i arur mengèkut-ngèkut laè Jordan ngo.”

janah ibagahken mo bai si Musa, si Aron dekket karina bangsa Israel situpung mertumpu i Kades, i padang gurun Paran. Isukutken kalak i mo kadè sienggo idah kalak i dekket ipacidah mo buah siniembah kalak idi.