2 Musa 20
20
Patiin Sisipuluh
(5 Ms. 5:1-21)
1Nai mongkam nola mo Dèbata janah bagèn mo ranaNa, 2“Aku ngo Jahowa Dèbatamu simerembah kènè mbungkas i Mesir nai bekkas ndènè iperhamba.
3Ulang sembah dèbata dèbata sidèban. Aku sambing mo ukum sembah.
4 #
2 Ms. 34:17; 3 Ms. 19:4, 26:1; 5 Ms. 4:15-18, 27:15 Ulang bahan gana-gana bamu tosè mi barang kadè pè si lot i langit, i tanoh èn barang sinibagasen laè siniterruh tanoh. 5#2 Ms. 34:6-7; 4 Ms. 14:18; 5 Ms. 7:9-10 Ulang mo sembah gana-gana sibagidi, kerna Aku ngo Jahowa Dèbatamu, janah oda uè Aku ipetosè mi barang kadè pè. Barang isè kalak simengkecegoken Aku, kennah Kuhukum soh mi cundut petelluken dekket pe-empatken.
6Tapi petuduhenKu ngo masèh atèngKu taba meribu-ribu pemparen kalak simengkekelengi Aku janah simenguèi patinKu.
7 #
3 Ms. 19:12
Ulang melancang menggegoli gerarKu, kerna Aku ngo Jahowa Dèbatamu, menghukum barang isè sambing menalah gunaken gerarKu.
8 #
2 Ms. 16:23-30, 31:12-14 Rayaken mo ari Sabat janah pesangap mo ari i bagè ari simbadia. 9#2 Ms. 23:12, 31:14-15, 34:21, 35:2; 3 Ms. 23:3 Kuberrèken ngo bai ndènè ennem ari bekkas mahan bahaen, 10tapi ukum ari pepituken idi imo ari pentadien simerkedekon bangKu. Ipas sidari i isè poda ndorok mahan bahaen, agia kènè, barang pè dukak-dukak ndènè, hamba-hamba ndènè, pinakan ndènè barang kalak sidèban simerian rebbak dekket kènè sada nagerri. 11#1 Ms. 2:1-3; 2 Ms. 31:17 Ibagasen ennem ari ngo, Aku, Jahowa, menempa tanoh, langit, laut dekket sagumanna sinna, tapi mentadi ngo Aku i ari pepituken. Kumerna i mo Aku, Jahowa, memasu-masu ari Sabat janah memilih ari i bangKu.
12 #
5 Ms. 27:16; Mat. 15:4, 19:19; Mrk. 7:10, 10:19; Luk. 18:20; Ep. 6:2 Pesangap mo bapa dekket inangmu, asa sayurntua kènè janah ndekkah nggelluh i nagerri sinaing Kuberrèken i bai ndènè.
13 #
1 Ms. 9:6; 3 Ms. 24:17; Mat. 5:21, 19:18; Mrk. 10:19; Luk. 18:20; Rm. 13:9; Jak. 2:11 Ulang memunuh.
14 #
3 Ms. 20:10; Mat. 5:27, 19:18; Mrk. 10:19; Luk. 18:20; Rm. 13:9; Jak. 2:11 Ulang merlangkah julun meddem.
15 #
3 Ms. 19:11; Mat. 19:18; Mrk. 10:19; Luk. 18:20; Rm. 13:9 Ulang menangko.
16 #
2 Ms. 23:1; Mat. 19:18; Mrk. 10:19; Luk. 18:20 Ulang sibihi rana siso tuhu tersèngèt kalak sidèban.
17 #
Rm. 7:7, 13:9 Ulang kono nggèut menakiken alah ni dèba: bagesna, sinibagesna, hamba-hambana, pinakanna, kalodèna, barang kadè pè ugasen dengnganmu.”
Buradan kalak Israel
(5 Ms. 5:22-33)
18 #
Heb. 12:18-19
Tikan idengkoh jelma nterrem idi sora renggur dekket sora sarunè i, bagi ma mengidah pelian dekket delleng mercèmber i, menggirgir janah buradan mo kalak i janah ndaoh-ndaoh mo kalak i cènder. 19Nina kalak idi mo taba si Musa, “Kono sambing mo mengerana taba kami, kudengkohken kami pè; tapi ulang mo Dèbata mengerana taba kami, asa ulang matè kami nahan.”
20Ialoi si Musa mo, “Ulang kènè mbiar. Pellin mengunjun kènè ngo kessa asa roh Dèbata asa dak tong kènè menguèi tabasa, janah oda nè merdosa.” 21Tapi tong ngo dak ndaoh kalak i mercènderren janah pellin si Musa mo kessa menjolmiti hembun gellap i bekkas Dèbata roh idi.
Hatoren tersèngèt langgaten
22Iperèntahken Jahowa mo taba si Musa asa ibagahken taba bangsa Israel, “Enggo idah kènè barang bakunè Aku, Jahowa, mengerana taba kènè i langit nai. 23Ulang mo teppa kènè bai ndènè gana-ganaen pirak barang emmas mahan sembahen ndènè laènken Aku. 24Bahan kènè mo baKu sada langgaten ipas tanoh nai, jadi pèlèken kènè mo i sidi biri-biri dekket lembu ndènè mahan pèlèen situtungen dekket pèlèen perdamèen. I gennep bekkas sikutentuken bai ndènè mahan bekkas ndènè mersembah taba Aku, roh pè Aku mi bekkas idi lako memasu-masu kènè. 25#5 Ms. 27:5-7; Jos. 8:31 Mula ibahan kènè bangku sada langgaten ipas batu nai, ulang ibahan kènè ipas batu sinipahat nai, kerna mula ipakkè kènè pahat lako mendakdak batu, oda nè ndorok ipakkè langgaten i bangKu. 26Ulang pella ndates langgaten i ipajek, gabè kennah nola lebbèken merardan lako mi babo, asa ulang gabè teridah badanmu siso patut teridah.”
Currently Selected:
2 Musa 20: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
