Popular Bible Verses from 2 Musa 20

Share

“Aku ngo JAHOWA Dèbatamu simerembah kènè mbungkas i Mesir nai bekkas ndènè iperhamba. Ulang sembah dèbata dèbata sidèban. Aku sambing mo ukum sembah.

Ulang bahan gana-gana bamu tosè mi barang kadè pè si lot i langit, i tanoh èn barang sinibagasen laè siniterruh tanoh. Ulang mo sembah gana-gana sibagidi, kerna Aku ngo JAHOWA Dèbatamu, janah oda uè Aku ipetosè mi barang kadè pè. Barang isè kalak simengkecegoken Aku, kennah Kuhukum soh mi cundut petelluken dekket pe-empatken.

Pesangap mo bapa dekket inangmu, asa sayurntua kènè janah ndekkah nggelluh i nagerri sinaing Kuberrèken i bai ndènè.

Rayaken mo ari Sabat janah pesangap mo ari i bagè ari simbadia.

Ulang melancang menggegoli gerarKu, kerna Aku ngo JAHOWA Dèbatamu, menghukum barang isè sambing menalah gunaken gerarKu.

Kuberrèken ngo bai ndènè ennem ari bekkas mahan bahaen, tapi ukum ari pepituken idi imo ari pentadien simerkedekon bangKu. Ipas sidari i isè poda ndorok mahan bahaen, agia kènè, barang pè dukak-dukak ndènè, hamba-hamba ndènè, pinakan ndènè barang kalak sidèban simerian rebbak dekket kènè sada nagerri.

Ulang kono nggèut menakiken alah ni dèba: bagesna, sinibagesna, hamba-hambana, pinakanna, kalodèna, barang kadè pè ugasen dengnganmu.”

Ulang sibihi rana siso tuhu tersèngèt kalak sidèban.

Ulang merlangkah julun meddem.

Ulang memunuh.

Ulang menangko.