2 Musa 11
11
Ialamatken si Musa mermatèen anak situaen
1Mongkam nola mo Jahowa taba si Musa, “Kudabuh mo sada nai bala taba raja Mesir dekket taba sinigemgemna. Kessa i paduèenna mo kènè laus. Janah kenggonna kennah pellausenna mo kènè karina i sèn nai. 2Kumarna i mengerana mo kono dekket bangsa Israel; dokken mo kalak i mengido emmas dekket pirak bai gembar bages kalak idi nai.” 3Gabè melluh mo ukur kalak Mesir bakinen Jahowa taba kalak Israel. Janah si Musa pè gabè kalak mersangap kalon mo iakap perpangkat dekket karina jelma nterrem i tanoh Mesir.
4Nina si Musa mo taba raja i, “Bagèen ngo kata Jahowa, ‘Kira-kira tengah berngin Kuagahi mo karina tanoh Mesir. 5Karina anak situaen silot i tanoh Mesir kennah matè, mulai anak raja Mesir nai soh mi anak hamba daberru penutu pagè. Bagi ma anak pinakan siperlebbè tubuh pè matè ma mo. 6Asa terdengkoh mo i suberri tanoh Mesir sora tangis derru-derru nggang kalohon bagè siso nung dèng masa janah oda masa nèngè bagi. 7Tapi ukum i tengah-tengah kalak Israel, agia jelma bak pinakan pe oda ikekadè. Nai bettohen ndènè mo, Aku Jahowa ngo simemakin lot kalihna kalak Mesir dekket kalak Israel.’ ” 8Dungna nina si Musa mo, “Karina pugabè raja i kennah roh janah sujud i lebbèngku janah mengidoken aku dekket bangsangku asa menadingken nagerri èn. Kessa pè bagi, asa laus aku.” Nai melaga kalohon mo si Musa menadingken raja i.
9Nai nina Jahowa mo taba si Musa, “Oda isarihken raja i ranamu, asa ndorok Kubaing mermatcam bagè kelengangen i suberri Mesir.” 10Ibakin si Musa dekket si Aron mo karina kelengangen i i hadeppen raja i, tapi ibakin Jahowa mo mpihir ukurna, dungna oda mo ipaduè laus bangsa i menadingken nagerri i.
Currently Selected:
2 Musa 11: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
