5 Musa 11
11
Kebelgahen Jahowa
1“Kekelengi mo jahowa Dèbata ndè- nè, janah dak ulaken karina patienNa. 2Èngèt mo bagèndari kadè sinibettoh ndè- nè tersèngèt Jahowa ibas pengalamen ndènè nai. Ukum dukak-dukak ndènè oda lot bana pengalamen sibagidi. Kènè ngo si- enggo menaksiken kehejien Jahowa Dèbata ndènè, kegegohenNa, kuasaNa 3#2 Ms. 7:8–12:13 dekket kelengangen-kelengangen sinihanakenNa. Idah kènè sendiri ngo barang bakunè ibaing ta- ba raja Mesir dekket mi suberri nagerrina. 4#2 Ms. 14:28 Idah kènè ngo barang bakunè cara Jahowa mengeripasken soridadu Mesir rebbak dek- ket karina kuda bak kurèta perangna. Ineknek ngo kalak i karina i Laut Arngo sinderrang mengeletlet kènè. 5Ibettoh kè- nè ngo barang bakunè ibaing Jahowa bai ndènè i gurun pasir sinderrangna mak dèng soh kènè mi sèn. 6#4 Ms. 16:31-32 Ièngèt kènè dèng ma ngo katèngku barang kadè sinibakin Jahowa ta- ba si Datan dekket si Abiram, dukak-dukak si Eliab i marga Ruben nai. I lebbè ndènè karina ngo, terbellah tanoh i nai ibendut mo rasken kalak i sisimpangaen, undung-un- dung, karina hamba bak pinakan kalak i. 7Uè, kènè ngo sienggo mengidah merkitè penengen ndènè sendiri karina kelengangen sinihanaken Jahowa.”
Pasu-pasu bai kalak simerpenguèi janah sempetta bai kalak siso merpenguèi
8“Ulaken mo karina hukum sienggo kupesakat taba kènè i ari sidari èn, asa ndorok kènè menurèpari laè janah mbengket mi nagerri oda ndekkah nèngè naing ianen ndènè. 9Janah asa ndekkah kènè nggelluh i nagerri kaya janah nggabur, siniperbagah Jahowa bai empung ndènè dekket bai pinempar kalak i. 10Ukum nagerri sinaing ianen ndènè i, oda ngo bagè tanoh Mesir, bekkas ndènè merian arnia. Ukum i sadoi tikanna i kennah mengula ngo kènè mertuhu-tuhu pejarirken laè mi juma tikan mengardangken bennih. 11Tapi ukum nagerri sinaing bengketten ndènè imo uruk-uruk dekket napa-napa; tanohna merlaè kerna udan. 12Ijamoti Jahowa Dèbatamu ngo nagerri i janah ijaga suntuk tahun.
13 #
3 Ms. 26:3-5; 5 Ms. 7:12-16, 28:1-14 Asa ulaken mo perèntah sienggo kupesakat bai ndènè i ari sidari èn; kekelengi mo Jahowa Dèbatamu janah poji kènè mo Ia ibas karina pusuh peratèen dekket gegoh ndènè nai. 14Mula bagi ngo ibakin kènè, nai roh mo udan ibaing Jahowa mi tanoh i tupung mosimna, enggo kessa pul kènè merani, dekket tikanna mulai mardang kènè. Nai cukup mo pagè ndènè, anggur dekket minak Zaitun, bang dukut bai pinakan ndènè. 15Karinana pangaen siniperluken ndènè lot mo i bai ndènè. 16Ulang kènè uè isirang bai Jahowa nai lako mersembah dekket menguèi dèbata-dèbata sidèban. 17Mula ilausi kènè perèntah idi, melaga mo Jahowa taba kènè. Oda nèngè mo roh udan ibaing, gabè kerrang-kerring mo tanoh ndènè gabè oda nè merbuah suan-suaen. Asa ibagasen sinempas sambing mermatèen mo kènè i tanoh nggabur siniberèken Jahowa taba kènè.
18 #
5 Ms. 6:6-9
Èngèt janah radum-radumi mo pati-patiin idi. Tapelken ibas betekkenmu janah lekketken ipas perdempakenmu asa dak tong ièngèt-èngèt. 19Ajarken mo bai dukak-dukakmu. Tersèngèti mo i bages dekket i ruar bages, tikanna mentadi dekket tikan mengula. 20Suratken mo ipas tekkang pèntu bagesmu dekket i pèntu pengkeruhenmu. 21Asa nggeddang umur ndènè dekket dukak-dukak ndènè i nagerri siniperbagah Jahowa Dèbata ndènè bai empung ndènè. Sidekkah lot dèng langit i babo tanoh èn, sidekkahna i ma mo kènè tong merian i tanoh i.
22Ulaken mo mertuhu-tuhu karina patiin sikupesakat taba kènè: Kekelengi mo Jahowa Dèbata ndènè, ulaken mo karina siniperèntahkenNa taba kènè, janah naing mo dak tong setia kènè tabasa. 23Nai ipelaus Jahowa mo karina bangsa i i lebbè ndènè nai, janah iiani kènè mo tanoh milik bangsa-bangsa nterremmen janah mergegohen bai ndènè nai. 24#Jos. 1:3-5 Karina aur siniagahen ndènè gabè milik ndènè. Ukum ladang ndènè imo amak i padang gurun i Selatan nai soh mi Delleng Libanon i Utara, dekket i Laè Efrat i kebincaren nai soh mi Laut Tengah i kesunduten. 25I suberri nagerri i, buradan mo kalak midah kènè ibaing Jahowa Dèbata ndènè, bagè sinijanjikenNa, gabè sada kalak poda ndorok menghalangi kènè.
26Sidari èn ndorok mo pilih kènè, tah pasu-pasu ngo barang sumpah. 27Ipasu-pasu ngo kènè mula iulaken kènè pati-patien Jahowa Dèbata ndènè, sikupesakat bai ndènè i ari sidari èn. 28Tapi kenna sempetta mo kènè mula oda iulaken kènè pati-patiin Jahowa Dèbata ndènè, mula gabè merbalik nola ngo menembah dèbata-dèbata sidèban siso nung isembah ke. 29#5 Ms. 27:11-14; Jos. 8:33-35 Enggo kessa iarahken Jahowa Dèbata ndènè kènè mbengket mi nagerri siniianen ndènè sikali èn kennah ruapken kènè mo pasu-pasu i Delleng Gerizim nai janah sumpah idi i Delleng Ebal nai. (30Duana delleng i imo kan kesunduten Laè Jordan i ladang kalak Kanaan simerian i napa Jordan, mendempak mi kesunduten oda ndaoh nè i kayu ntemtem bekkas mersembah i More dekket kuta Gilgal.) 31Oda ndekkah nèngè suberrangen ndènè mo Laè Jordan janah mengiani tanoh siniberèken Jahowa Dèbata bai ndè. Enggo kessa itaban kènè tanoh i janah merian i sidi, 32kennah ulaenken ndènè karina patiin sikupesakat bai ndènè i ari sidari èn.”
Currently Selected:
5 Musa 11: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
