5 Musa 10
10
Ijalo si Musa pedua kaliken Pati-patiin Dèbata Sisipuluh i
(2 Ms. 34:1-10)
1“Enggo kessa i nina Jahowa nola mo mbang aku, ‘Alè Musa, dakdak mo dua batu bagè siperlebbè i, janah bahan ma mo sada pèti kayu mahan bekkasna, nai roh mo ko mendahi Aku mi pucuk delleng, 2asa Kusurat nola ipas batu i tosè katana bagè ipas batu sienggo nipustakkenmu i, nai kennah pemasukenmu mo batu-batu i mi bagasen pèti i.’
3Nai kupelias mo pèti ipas kayu sempènur nai, janah kudakdak dua batu bagè siperlebbè i janah kuembah mi pucuk delleng. 4Isurat Jahowa mo ipas batu i Sipuluh Pati-patiin dos bagè siperlebbè i, imo pati-patiin siniberèkenNa taba kènè, sinderrangna mengerana Ia i tengah-tengah api i nai i arinkenna merpulung kènè i pispis delleng. Enggo kessa bagi iberèken Jahowa mo batu mersurat i taba aku janah susur mo aku lako balik i delleng i nai. 5Nai rembang mi sinidokken Jahowa, kupemasuk mo duana batu i mi bagasen pèti sienggo kubahan i janah mulai isidi nai soh bagèndari i sidi dèng ngo tong duana batu idi.”
6 #
4 Ms. 20:28, 33:38 (Nai berkat nola mo kalak Israel i telaga-telaga kalak Jaakan nai, janah laus mi Mosera. I sidi mo matè si Aron janah ikuburken. Dukakna si Eleazar mo menggancihsa gabè imam. 7I sidi nai berkat mo kalak i mi Gudgod, nai iterrusken mi Jotbata, imo ladang mèduk laèna. 8#4 Ms. 3:5-8 I delleng i mo ikelini Jahowa marga Lewi lako menjamotken Pèti Perpadanen dekket mengkebasi Jahowa, dekket mendokken kata pasu-pasu merkitèken gerarNa. Imo ulaen kalak i soh bagèndari. 9Kumara i mo asa oda merbagian tanoh pusakka marga Lewi bagè marga-marga sidèbankenna i, kumerna Jahowa ngo perjambaren kalak i, bagè sinidokken Jahowa Dèbata ndènè taba kalak i.)
10 #
2 Ms. 34:28
“Empatpuluh ari empatpuluh berngin mo aku merian i babo delleng bagè sikuulaken perlebbè i. Idengkohken Jahowa ngo aku sikali nai, janah uè ngo Ia oda pella iripasken nè kènè. 11Nai idokken mo aku lako menguluken kènè berkat asa ndorok gabè milik ndènè tanoh sienggo iperbagah i bai empung ndènè.”
Sinipido Jahowa
12“Asa bagèndari pè kènè alè kaka-anggingku, perdatèken kènè mo barang kadè sinipengido Jahowa Dèbata ndènè bai ndènè nai: Pesangap kènè mo Jahowa Dèbata ndènè janah ulaken mo karina patienNa. Kekelengi kènè mo Ia janah poji kènè mo Ia ibas karina ukur dekket nggelluh ndènè. 13Ulaken kènè mo karina patiin Jahowa sikupesakat sidari èn mendahi kènè asa merembahken kinimendè bai ndènè. 14Jahowa Dèbata ndènè ngo sidasa langit sindatesna, tanoh èn pè milikNa ngo bak karina silot i babona. 15Tapi mbelgah kalohon ngo kelleng atè Jahowa taba empung ndènè, mamaing asa gabè kènè ipilih ibas karina bangsa nai, janah soh bagèndari pè kènè ngo bangsa sinipilihNa. 16Asa mulai bagèndari nai kennah tunduk ngo kènè taba Jahowa janah ulang nèngè dak mpihir ukur ndènè. 17#Ul. 10:34; Rm. 2:11; Gal. 2:6; Ep. 6:9; 1 Tim. 6:15; Alm. 17:14, 19:16 Jahowa Dèbata ndènè i ngo i babo karinana dèbata janah mengelampoi karina nasa kuasa. Termurmur ngo keDèbataenNa janah merkuasa patut kennah uèen. Oda lemmo atèNa merpihak janah oda uè menjalo sisip. 18Ibèla ngo hak kalak si melumang dekket daberru mbalu asa ibakin hukum sènteng bai kalak i; masèh ngo atèNa midah kalak sidèban singgelluh rebbak dekket bangsanta janah iberèken bai kalak i panganen dekket perolessen. 19Asa kènè pè kennah tuduhken kènè ngkelleng ndènè taba kalak sidèban idi, kumerna kènè pè arnia kalak sidèban ngo i Mesir. 20Pesangap mo Jahowa Dèbata ndènè janah pellin Ia mo kessa poji kènè. Naing mo dak tong setia kènè tabasa janah mersumpah merkitè pellin gerarNa sambing. 21Poji mo Ia kumarna Ia ngo Dèbatamu. Merkitè penengen ndènè sendiri enggo ngo idah kènè ulaen kelengangen hèbat janah mahantu sinibaingNa lako bai ndènè. 22#1 Ms. 15:5, 22:17, 46:27 Tikan laus empung ndènè mi Mesir, pellin pitupuluh kalak ngo kessa buèna. Tapi enggo ibaing Jahowa Dèbatamu bilangen ndènè bagè bintang sinilangit.”
Currently Selected:
5 Musa 10: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
