2 TIMOTIUS 1
1
1-2 #
Kis. 16:1
Timotius, ana meciku! Nahu, Paulus, tuntiku sura ake d̄i ru'u nggomi, ro mapamao raho-raho to'impa Ruma Hatalla Ama ndaita ro Ruma ndaita Isa Al Masih mbeina bareka, rahama ro taho ra ntai d̄iru'umu.
Kai kane'e Ruma Hatalla, nahu rahanta ndad̄i rasu Ruma Isa Al Masih ro ranggadu d̄imangoa ra kahaba mab̄oha mori rasake b̄a Ruma Hatalla. Mori ede tarima b̄a ndai b̄ara sab̄ua lab̄o Ruma Isa Al Masih.
Renta syuku ro d̄ikaukai
3Nahu marenta syuku d̄i Ruma Hatalla rakarawi wea b̄a nahu kai ade mpidaku ma raso b̄une rakarawi b̄a wa'i ra waro nahu ntoina. Nahu marenta tarima kasi ncau d̄i Ruma Hatalla sanikina kawara b̄a nahu nggomi ade do'a, nataho ai ma rai ro aimangad̄i. 4Nahu kawaraku d̄i ncoki ademu. B̄ara ndedena nahu wancuku ne'e podaku eda angi lab̄o nggomi loakud̄u nahu ndad̄i poda-poda neo adeku. 5#Kis. 16:1 Nahu kawaraku d̄i imbimu ma poda-poda d̄i Al Masih, sama b̄une imbi poda ina wa'imu Lois ro inamu Eunike. Ro nahu ka'imbi poda nggomi rau ma'imbi b̄une ede. 6B̄ara ndedena nahu ngoa ra kawaraku nggomi d̄imakapana anugera rambei b̄a Ruma Hatalla d̄iru'u nggomi aipu wakatu toho b̄a nahu rima nahu ese wawo nggomi. 7B̄ara Roh rambei b̄a Ruma Hatalla ru'u ndaita, laina Roh d̄imakandad̄i ndai dahu. Pala Roh Allah ede nakandad̄iku ndai tenggo, b̄ini b̄a meci ra ca'u ro loa pi'i ade.
8B̄ara ndedena aina maja mbeimu sakasi mab̄oha Ruma ndaita, ro aina maja raumu mab̄oha nahu, rabui b̄ara Sia. Pala ndakeku, pab̄uapu nggomi kai tenggo ra wale rad̄i Ruma Hatalla, b̄atu susa ra ncoki d̄iru'u Haba Mataho ede. 9Ruma Hatalla kasalamana ndaita ro ouna ndaita loakud̄u ndad̄i ela ndai-Na. Sia karawikaina ede laina kai dasa au rawa'u karawi b̄a ndaita, malaisi kai dasa nia ndai-Na ro anugera-Na. Sia mbeina ndaita anugera-Na kai ncai Ruma Isa Al Masih. Sawatipu b̄a kandad̄i dunia ake. 10Ro ake, Ruma Hatalla tei katadana rahama-Na ede d̄i ndaita kai maina Sangaji makasalama ndaita Ruma Isa Al Masih. Ruma Isa kakoana kuasa made ro wa'ana mori ma ederahid̄i kai Haba Mataho ede.
11 #
1Tim. 2:7
D̄ingoa ra kahabakai Haba Mataho edeku Ruma Hatalla hantakaina nahu ndad̄i rasu ro guru. 12B̄ara ndedena nahu iukaiku susa ra ncoki sara'ana ake, pala nahu ngge'empa imbi podaku, b̄ara nahu kab̄ade poda cou imbikai b̄a nahu. Nahu ka'imbi poda b̄a one au rawa'u imbi podakai b̄a Sia d̄i nahu. Sia nasanggo rauku jaga weana sampe d̄i Ainaina Kiama. 13B̄atu kapodapu ngoa ra tei mancihi rawa'u mbei b̄a nahu d̄i nggomi. Ro pab̄uapu nggomi ngge'empa nentimu d̄i imbi ro meci ra ca'u ma wa'ura ndad̄i ntau ndaita b̄ara sab̄uata lab̄o Ruma Isa Al Masih. 14Kai bantu ma ramai ta Roh Allah ma mori d̄ei ndaita, pab̄uapu nggomi jaga katahomu lampa rawi-lampa rawi mantau co'i rawa'u imbikai d̄i nggomi.
15Nggomi mab̄adeku b̄a one sara'a dou d̄i dana ra rasa Asia nawa'ura tu'u wi'ina nahu, lu'u rau la Figelus ro la Hermogenes. 16Pala iwa ra weki Onesiforus wa'ura pila-pila kali kad̄ihina ade nahu. Raho-raho to'impa Ruma ngawana katada kasi adena d̄i siad̄oho. Konena nahu ade uma bui, Onesiforus wati majana b̄a d̄i ka'ada'ana nahu ede. 17Ndede rongga d̄i Roma, sia usahana ngupa ncau nahu sampe sia eda angina lab̄o nahu. 18Ro nggomi mab̄adeku b̄a one d̄i Efesus sia wancuku mboto bantuna nahu. Raho-raho to'impa Ruma katadana kasi ade d̄i sia wakatu ainaina Ruma paresana ncihi ra ncara samenana ela manusia.
Currently Selected:
2 TIMOTIUS 1: LAIBHP
Highlight
Copy
Compare
Share
Want to have your highlights saved across all your devices? Sign up or sign in
@LAI 2001
