Popular Bible Verses from 2 TIMOTIUS 1

Share

B̄ara Roh rambei b̄a Ruma Hatalla ru'u ndaita, laina Roh d̄imakandad̄i ndai dahu. Pala Roh Allah ede nakandad̄iku ndai tenggo, b̄ini b̄a meci ra ca'u ro loa pi'i ade.

Ruma Hatalla kasalamana ndaita ro ouna ndaita loakud̄u ndad̄i ela ndai-Na. Sia karawikaina ede laina kai dasa au rawa'u karawi b̄a ndaita, malaisi kai dasa nia ndai-Na ro anugera-Na. Sia mbeina ndaita anugera-Na kai ncai Ruma Isa Al Masih. Sawatipu b̄a kandad̄i dunia ake.

B̄ara ndedena nahu ngoa ra kawaraku nggomi d̄imakapana anugera rambei b̄a Ruma Hatalla d̄iru'u nggomi aipu wakatu toho b̄a nahu rima nahu ese wawo nggomi.

B̄ara ndedena aina maja mbeimu sakasi mab̄oha Ruma ndaita, ro aina maja raumu mab̄oha nahu, rabui b̄ara Sia. Pala ndakeku, pab̄uapu nggomi kai tenggo ra wale rad̄i Ruma Hatalla, b̄atu susa ra ncoki d̄iru'u Haba Mataho ede.

B̄ara ndedena nahu iukaiku susa ra ncoki sara'ana ake, pala nahu ngge'empa imbi podaku, b̄ara nahu kab̄ade poda cou imbikai b̄a nahu. Nahu ka'imbi poda b̄a one au rawa'u imbi podakai b̄a Sia d̄i nahu. Sia nasanggo rauku jaga weana sampe d̄i Ainaina Kiama.