KIDUNG TUUNO 2
2
1Yaku tolongo bunga mawar luwedoi Saron,
bunga bakung doi pepelako-pepelako.
Malane
2Buno bunga bakung doi mosolot mosoniton tangano,
bunomokai doiya daku bibian doi antara koboiboine.
Boine
3Buno apel batango tanga-tangano, mopotuboy kokayung-kayung batango bailon doi bokulung,
bunomokai doiya daku bibian doi antara kopaumalane.
Yaku sanaang mosoop doi yana,
kosao-saono kotamiso maamis.
4Nababayo yaku doi lamean lalomo,
napokita doi yaku moono paseang.
5Bukuanggenekai yaku tukon manisan anggur saono,
kobukuanggenekai yaku tukon apel saono,
sabab yaku masakit tukon babibianan.
6Limano bobono tumbake koolunggu,
limano bakalingano lebeke yaku.
7Pomanyanyikai, koboiboine doi Yerusalem,
tongo donga-donga tukon kijang-kijang doi padang,
baikon komuyu aki kai nagangguwo ko bibian,
sampe yana pombambukon.
Nyanyian Koluano
Boine
8-9Lengele! Daku bibian lubato!
yana buno donga napau kai kijang.
Osut-osut doi bunggul-bunggul,
osut-osut doi bunggukon-bunggukon bunggul-bunggono.
Kitayo, doi beton sembeleng yana kokondong,
tukon matano mo mounggoli,
nunuiyo doi jendala anga-anggato.
10Lenggele, kubibian basilingan doi yaku.
Malane
Lubatokai daku mamis, maemokai daku bibian molambangan!
11Kitayo kotempo nakumalonan toliiso,
kotempo udan lapamo lapa.
12Kobunga-bunga doi asi tebelekamo;
kotempo patoliano lubato;
kotekukur alalo tololongol doi ndabuta.
13Ara batango tambuno sao,
anggur batango babangimo kobungano.
Lubatokai daku manis, maimokai daku bibian.
14O daku lapatiing doi batu angat-angato,
doi posapitonan doi loloon motimbing tuuno,
sodiiyomo kukitayo kodudusomu,
tukon ndongoliyo koalalomu,
sabab dudusomu tambongan, koalalomu merdu.
15Lakaomokai dorubah-rubahdoo,
rubah-rubah pauno morusake koanggur asino,
sabab komai anggur asino sodo mulai pokattubo.
Boine
16Kubibian konggumo, tukon yaku konamo,
yana dagaiyo konadomba-domba
doi antara bunga-bunga bakung
17sampe puul komombuul dowa-dowa
moakiyenggene kokalipookan popook.
Abalimokai, kubibian, buno kijang,
buno donga napau doi bunggukon Beter.
Currently Selected:
KIDUNG TUUNO 2: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
