KIDUNG TUUNO 1
1
1Kidung Tuuno Salomo nakinubai
Nyanyian Tumbeno
Boine
2Umayomo yaku tukon suumu bibilo;
mukilakanano lobian tamisan luwedoi anggur!
3Ikoo babangi tuuno,
kosambumu buno likison babangi motokundang;
tobikon doiyamo boi-boine cintayo ikoo!
4Mosobitkai kita, oh kutomundo,
babayomokai yaku doi mukom-biang lalomo.
Sebab ikoo kami sasaibino sanang tuuno,
tukon nggale komucinta molobionio koanggur;
pantasokai koboiboine cintayo ikoo!
5Mau namopok, yaku tambongan, he boi-boine Yerusalem;
mopook buno tenda-tenda Kedar,
bai monondok buno toik panutup Salomo nakamali!
6Inai mopalatikanggene kokulitonggu mo mopook,
sabab yaku tosua oloyo matano.
Kupinatama-pinatama nggimoliyo yaku,
tukon sumboliyo yaku balimang doi anggur asino;
yaku akiyono kotempo mouluse kobutonggu susunggu.
7Bantilemokai, he kubibian,
doi yando ikoo pototoli domba-domba,
doi yando komu okaloano yanila doi tempo nakinobianan?
Bulaandokai yaku naikon bunokai lausala
doi antara domba tambuno tula-tulano?
Malane
8Bulaandokai ikoo moaki mutoiyo kona tampat,
he komo tambongan doi antara boine?
Laingemokai kodomba nalundu tumbeno,
tukon dagaiyomokai komu mbembe-mbembe
mololanikai saibino kopadagai nabasandungan.
9Kubibian, ikoo bunokai adalan molukono
motalike kotomundo Mesir nakereta.
10Pidalimu tambongan pobubungai doi bulumu tangano,
monondok tukon inoo permata.
11Kami kubaikene pobubungai mosoni tuuk ikoo,
tukon inoon-inoon suasa.
Boine
12Daanon daku tomundo doi namoloan,
posapon konarwastu nababangian.
13Kubibian buno muur kona babangian;
doi tempo nabasaudaran doi oyoponggu.
14Kubibian bunokai meeng kotambuno kobunga pacar,
doi anggur asi-asino En-Gedi.
Malane
15Manisku, ikoo tambongan tuuno,
tutuu ikoo tambongan!
Komatamu bunokai lapating.
Boine
16Ikoo tambongan, sayang,
tutuu ikoo tambongan!
Konda moloan doi bulung momanampal.
17Aras batango teali ndabonua posudongino,
tukon cemara batango nanggolong-nggolong.
Currently Selected:
KIDUNG TUUNO 1: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
