SADEONG 82
82
Mian Bisa, Tomundo Babasal
1Asaf na Sadeong doi Temeneno.
Ko Mian Bisa katuaiyo korapat babasal doi surgaa,
maka nabinggakene kona kaputusan:
2“Inai koidan moadiliyo komian,
tukon inai moala doi mian molokis.
3Belayokai kopau-pau tuboon tukon komian moakimo nabukuan,
beenakai naadilan doi mian motalais tukon mosakisaa.
4Oluputekai komian moakimo nabukuan tukon molapuso konaakal,
oluputekai yanila luwedoi mian molokis limano.
5Komuyu akiyo kopo tinoi oioila, komuyu bonggu tukon tataap,
sabab komuyu, tobikon koaturan masyarakat teali rusak.
6 #
Yoh. 10:34
Yaku bantile baikon komuyu babasal
sabab komuyu sasaibino Mian Bisa Mo Tatatandak Tuuno napau-pau.
7Bai komuyu naikon mate pokakana kobangkapi bailon,
maukai pobuno meeng kosambu,
bai komuyu mate koidan.”
8Oh Mian Bisa lubatokai, adiliyomokai kodunia,
sabab sasaibino kobangsa daanokai koomu.
Currently Selected:
SADEONG 82: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
